Like 17
17
Mbiini bɨla leboloho
1Jesu na alwoni a nde ndi: «Maami ma atuma baari osa ambiini ma aka aje oyele ni, ŋa ndoho eka na mvuuru aya na mo. 2Tata akuri nde kele e nini o nkii, atʉni nde nca okeri onini. Ŋa nde i ma buuna otuma mwana onkere se omo osa ambiini ni. 3Lesa ayiba! Mwana nguhu a we osa mbiini, we owobi na nde yemiŋi. Ŋa nde okaala eku we obolihi nde. 4Ŋa nde osoŋo we amihi ncaami ma ojiila a mwi omo, nde se oya na aviriha amihi ncaami mpili e we ndi: “Me emi mono obi”, we se obolihi nde.»
Mpari oyalihi
5Antuma na Nkʉmu ndi: «Luusa bisi oyalihi.» 6Ŋa Nkʉmu okaali na bo ndi: «Be leki mo oka na oyalihi oli na okyehe mva lemburu le otaade, kaa be lebuuna oduha na oti a sikomoore#17.6 Oti onini mva oyabi. yu mbɨri: “Wunaha, jyehe na akuna nyuru we anku nca okeri”, nde se onyiimi be.»
Alwoni a Jesu ajanji atu
7«O mpaniŋi e be ali na ojanji akuniha anguunu si kali akyelehe endoombo, oduha na ojanji ntini e nde awa anguunu ndi: “Jyaha asisari na kuma o tanda” na? 8Kali, nde oduha na nde ndi: “Laama me biila, kaala amfa, ma olehe me biila, me eja, me nywa. Omana we se we oja, we nywa, ma a we antini.” 9Nde ŋa ampa ojanji leve mo osuumbu a nde asi maami a nde aduhi? 10Na be se: ntini e be le esa maami ma aduhi be osa aso, be leduhi mbɨri: “Bisi ajanji atu. Bisi lesi ni janja ma duhi bisi osa.”»
Jesu asalaha anga ebila kuumi
11Ntini e Jesu ayenihi na Jerusaleme, nde oyiri o mpaniŋi e Samari bɨla Ngalili. 12Nde onyunuha nca mpuhu mo, anga ebila kuumi ayi na e nde. Bo asyeli o lala. 13Bo asaari juhi, na nde ndi: «E Jesu Nkʉmu, mono bisi nkerihi!» 14Jesu omono bo, na bo ndi: «Lejyehe na alaha anyuru mpili asi ma avwoŋi.» Ŋa ntini e bo ma ayenihi, bo aki ami mana owuuma. 15Omo o nca bo, omono ndi nde omi wuuma, oyi na avuriha, na okuusa lekʉma le Njyami nkara yulu. 16Nde ovi o ncina nyiili e Jesu mpaa o ncye, ompi nde leve. Ŋa balaha jya eki osi Samari. 17Ŋa Jesu ndi: «Bo aso a kuumi aka wuuma ni? Ŋa maamo a wa, ali kuni? 18Mvuuru si omo aka aya na avuriha na ampa Njyami leve ni, o ngula njya yu otu?» 19Ŋa Jesu na nde ndi: «Temehe, jyehe, oyalihi o we omi vusuha we.»
Ejihi ma Onkani o Njyami
20Afarisi apɨsi Jesu ndi: «Onkani o Njyami mo oje oya o jini ntini?» Nde okaali bo ndi: «Onkani o Njyami mo oka aje oya mva kiila ma mono ni. 21Ma aka aje oduha ndi: “Lemono bo o bu omi ya”, si kali: “Bo oli kuuni” ni. Obila onkani o Njyami oli o mpaniŋi e be.»
Cuhu le Mwana mvuuru
22Emana Jesu na alwoni ndi: «Antini ma aje oya a be ledya omono Mwana mvuuru se cuhu le mo, ŋa be leka aje omono nde ni. 23Ma aje oduha be ndi: “Nde ayu ku”, si kali: “Nde ayu ŋa” Be lekaa jyehe ni, lekaa dema nciini ni. 24Obila cuhu e Mwana mvuuru aje oya, eje oka mva epeeŋi e ngari o yulu. Oyalala o nde obaana oji ncwo oto ncwo e mo. 25Ove Mwana mvuuru osa mono ampasi kuna, ŋa njubu e lobi se eje obɨsa nde. 26Maami ma ayiri o ntini e Nowe, ma aje oka se osuumbu ju jwa, mva cuhu e Mwana mvuuru aje oya. 27Baari aki ma aja, ma anywa, ma yaha akaasi ma abaala, ma mpa baana a bo ma akaasi se ma abaala. Tii ngo o cuhu e Nowe anyunihi nca mbuungu. Oduumbu a mvʉla onohi, ntuuna eyi, baari akwi aso. 28Eaje oka se mva ntini e Loote: baari aki ma aja, ma anywa, ma suuma, ma tehe biibi, ma kuna, ma cwa anjo. 29Ŋa cuhu e Loote acuuhi o Sodoome, Njyami otumi mvʉla a mbaa bɨla owʉru a mbaa, ŋa baari aso akwi. 30Cuhu e Mwana mvuuru aje owasaha, maami ma aje oyira mo osuumbu ju jwa. 31O cuhu jya, mvuuru aje oka o yula njo aka ma suruha ma oyaha biibi e nde ni. Na aje oka nca anguunu se, aka aya na avuriha njo ni.» 32Leyibiha okari a Lote! 33Mvuuru asaha okyele lebihi le nde, aje oyele lo. Avusaha lebihi le nde, aje okyele lo se. 34«Me eduha be, lempiibi lya baari vwele ma aje oka o yula ntari mo, ma ayaha omo, anyila omo. 35Akaasi vwele ma aje oka ma ocwa biibi, ma acyese omo, anyila omo. 36Abalaha vwele ma aje oka nca nguunu, ma aje obira omo, anyila omo.» 37Alwoni apɨsi nde ndi: «E Nkʉmu, maami maa ma aje oyira kuni?» Nde okaali bo ndi: «Biri eje oka obiimi, biri enkwaŋa me eje okusuha abuha.»
Markert nå:
Like 17: MDT
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Like 17
17
Mbiini bɨla leboloho
1Jesu na alwoni a nde ndi: «Maami ma atuma baari osa ambiini ma aka aje oyele ni, ŋa ndoho eka na mvuuru aya na mo. 2Tata akuri nde kele e nini o nkii, atʉni nde nca okeri onini. Ŋa nde i ma buuna otuma mwana onkere se omo osa ambiini ni. 3Lesa ayiba! Mwana nguhu a we osa mbiini, we owobi na nde yemiŋi. Ŋa nde okaala eku we obolihi nde. 4Ŋa nde osoŋo we amihi ncaami ma ojiila a mwi omo, nde se oya na aviriha amihi ncaami mpili e we ndi: “Me emi mono obi”, we se obolihi nde.»
Mpari oyalihi
5Antuma na Nkʉmu ndi: «Luusa bisi oyalihi.» 6Ŋa Nkʉmu okaali na bo ndi: «Be leki mo oka na oyalihi oli na okyehe mva lemburu le otaade, kaa be lebuuna oduha na oti a sikomoore#17.6 Oti onini mva oyabi. yu mbɨri: “Wunaha, jyehe na akuna nyuru we anku nca okeri”, nde se onyiimi be.»
Alwoni a Jesu ajanji atu
7«O mpaniŋi e be ali na ojanji akuniha anguunu si kali akyelehe endoombo, oduha na ojanji ntini e nde awa anguunu ndi: “Jyaha asisari na kuma o tanda” na? 8Kali, nde oduha na nde ndi: “Laama me biila, kaala amfa, ma olehe me biila, me eja, me nywa. Omana we se we oja, we nywa, ma a we antini.” 9Nde ŋa ampa ojanji leve mo osuumbu a nde asi maami a nde aduhi? 10Na be se: ntini e be le esa maami ma aduhi be osa aso, be leduhi mbɨri: “Bisi ajanji atu. Bisi lesi ni janja ma duhi bisi osa.”»
Jesu asalaha anga ebila kuumi
11Ntini e Jesu ayenihi na Jerusaleme, nde oyiri o mpaniŋi e Samari bɨla Ngalili. 12Nde onyunuha nca mpuhu mo, anga ebila kuumi ayi na e nde. Bo asyeli o lala. 13Bo asaari juhi, na nde ndi: «E Jesu Nkʉmu, mono bisi nkerihi!» 14Jesu omono bo, na bo ndi: «Lejyehe na alaha anyuru mpili asi ma avwoŋi.» Ŋa ntini e bo ma ayenihi, bo aki ami mana owuuma. 15Omo o nca bo, omono ndi nde omi wuuma, oyi na avuriha, na okuusa lekʉma le Njyami nkara yulu. 16Nde ovi o ncina nyiili e Jesu mpaa o ncye, ompi nde leve. Ŋa balaha jya eki osi Samari. 17Ŋa Jesu ndi: «Bo aso a kuumi aka wuuma ni? Ŋa maamo a wa, ali kuni? 18Mvuuru si omo aka aya na avuriha na ampa Njyami leve ni, o ngula njya yu otu?» 19Ŋa Jesu na nde ndi: «Temehe, jyehe, oyalihi o we omi vusuha we.»
Ejihi ma Onkani o Njyami
20Afarisi apɨsi Jesu ndi: «Onkani o Njyami mo oje oya o jini ntini?» Nde okaali bo ndi: «Onkani o Njyami mo oka aje oya mva kiila ma mono ni. 21Ma aka aje oduha ndi: “Lemono bo o bu omi ya”, si kali: “Bo oli kuuni” ni. Obila onkani o Njyami oli o mpaniŋi e be.»
Cuhu le Mwana mvuuru
22Emana Jesu na alwoni ndi: «Antini ma aje oya a be ledya omono Mwana mvuuru se cuhu le mo, ŋa be leka aje omono nde ni. 23Ma aje oduha be ndi: “Nde ayu ku”, si kali: “Nde ayu ŋa” Be lekaa jyehe ni, lekaa dema nciini ni. 24Obila cuhu e Mwana mvuuru aje oya, eje oka mva epeeŋi e ngari o yulu. Oyalala o nde obaana oji ncwo oto ncwo e mo. 25Ove Mwana mvuuru osa mono ampasi kuna, ŋa njubu e lobi se eje obɨsa nde. 26Maami ma ayiri o ntini e Nowe, ma aje oka se osuumbu ju jwa, mva cuhu e Mwana mvuuru aje oya. 27Baari aki ma aja, ma anywa, ma yaha akaasi ma abaala, ma mpa baana a bo ma akaasi se ma abaala. Tii ngo o cuhu e Nowe anyunihi nca mbuungu. Oduumbu a mvʉla onohi, ntuuna eyi, baari akwi aso. 28Eaje oka se mva ntini e Loote: baari aki ma aja, ma anywa, ma suuma, ma tehe biibi, ma kuna, ma cwa anjo. 29Ŋa cuhu e Loote acuuhi o Sodoome, Njyami otumi mvʉla a mbaa bɨla owʉru a mbaa, ŋa baari aso akwi. 30Cuhu e Mwana mvuuru aje owasaha, maami ma aje oyira mo osuumbu ju jwa. 31O cuhu jya, mvuuru aje oka o yula njo aka ma suruha ma oyaha biibi e nde ni. Na aje oka nca anguunu se, aka aya na avuriha njo ni.» 32Leyibiha okari a Lote! 33Mvuuru asaha okyele lebihi le nde, aje oyele lo. Avusaha lebihi le nde, aje okyele lo se. 34«Me eduha be, lempiibi lya baari vwele ma aje oka o yula ntari mo, ma ayaha omo, anyila omo. 35Akaasi vwele ma aje oka ma ocwa biibi, ma acyese omo, anyila omo. 36Abalaha vwele ma aje oka nca nguunu, ma aje obira omo, anyila omo.» 37Alwoni apɨsi nde ndi: «E Nkʉmu, maami maa ma aje oyira kuni?» Nde okaali bo ndi: «Biri eje oka obiimi, biri enkwaŋa me eje okusuha abuha.»
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES