Like 18
18
Ncincami opami maami obi bɨla okaasi okuuli
1Jesu oti bo ncincami mo oduha bo ndi ove bo avwoni antini aso, bo i kolo ni. 2Nde na bo ndi: «Nca onguundu omo eki na mvuuru apamaŋa maami. Nde aki i nyiima Njyami ni, nde se na mbengili o baari. 3Nca onguundu kya se eki na okaasi okuuli, ajihi mpili e nde ndi: “Pama jaa e mpaniŋi e saa na buha le me le ombangu.” 4Antini ayiri kuna, mvuuru apamaŋa maami aki njala kali. Emana nde ndi: “Ŋa si me i nyiima Njyami ni, me se na mbengeli o baari, 5okaasi okuuli yu aweele me, me ema pama jaa e nde, mo oduma nde i ma bula me ocwi antini aso ni.”» 6Nkʉmu oluusi ndi: «Ŋa leyuha leduhi opami maami obi yu! 7Ŋa Njyami aka aje osa opami a tele mo baari a nde ama swolo, ma wʉlaha ankɨma na e nde, na na mwi, na na mpiibi ni? Nde aje osa andira ma oyamaha bo? 8Me eduha be, nde aje opama bo asisari. Ŋa ntini e Mwana mvuuru aje oya na avuruha, nde aje obasaha oyalihi o yula ncye?»
Ncincami Ofarisi bɨla onga lepo
9Jesu ovurihi oti bo ncincami ji, mo baari ake ma monihi ndi bo ali tele, bo abengele abuha: 10«Abalaha vwele akumi ntaana njo e Njyami, na avwono. Omo aki Ofarisi, omo otoniŋi lepo. 11Ofarisi ma otele avwono nca otima ndi: “E Njyami me empa we leve mo osuumbu a me eli ka mva abuha maamo ni. Bo ajibi, bo abi, bo masyaha ncuuma, mva otoniŋi lepo yu. 12Me eka njala ecuhu jyele nca ecuhu ncaami. Me empa we buhu le okuumi le biibi e me ebaha eso.” 13Otoniŋi lepo aki o lala, ŋa nde aki i buuna osaara se miisi na yulu ni. Ŋa nde aki akuruha ondundu aduha ndi: “Aa Njyami, mono me nkerihi osi ambiini mva me.” 14Me eduha be, balaha jya ema vuruha njo e nde ŋa, Njyami omi kaala nde oya tele, ŋa ka Ofarisi ni. Mo oma mvuuru akuusa nyuru ma vuura nde nci, avuraha nci ma kuusa nde.»
Jesu ayamba enkere ma ekyehe
15Baari ayi na baana ma enkere na e Jesu ndi nde otiila na bo. Alwoni amono vwa, abye na bo. 16Ŋa Jesu otumi bo ociina na baana, oduhi ndi: «Lenyila enkere ma ekyehe eya na e me! Lekaa kanaha bo ni, mo oma Onkani o Njyami oka na baari ma ali mva bo. 17Me eduha be sisyele, mvuuru abɨsa oyalaha Onkani o Njyami mva onkere okyehe, aka aje onyunuha o bo ni.»
Nga osolo
18Nkʉmu Ajife omo olehi Jesu oduhu ndi: «E Nkʉmu ove, me ma obaha lebihi le mbumbu me osa buni?» 19Jesu okaali na nde ndi: «We acwolo me o Nkʉmu ove mo oma? Mvuuru se omo ove onyaŋa, o ngula Njyami. 20We oya ekele a Njyami: “We i sa ncuuma ni, we i buma mvuuru ni, we i jiba kuba ni, we i banaha mvuuru ni, nyiima taara bɨla nguhu a we.”» 21Balaha jya ekaali nde ndi: «Me ema nyiima maa aso esi wa me obusi.» 22Jesu omana oyuha nde okaali ndi: «Emi siila we jaa mo ntu: tehe biibi e we eso, omana we kabaha anga owuha adoro. Ŋa we aje obasaha osolo o yulu. Omana we oya, we olwono me.» 23Ntini e nde ayuhi vwa, nde omoni obi, ma obila o nde aki na osolo a kuna.
24Jesu omono ndi balaha jya emi mono obi, nde okaali ndi: «Baari ma ali na osolo, na syami ma onyunuha nca Onkani o Njyami! 25Mo oma nyama mva samo#18.25 Ma lefaala amateende samo: anyama ma biriha baari. abuuna onyunuha mo bulu le sori, okoroho nga osolo ma onyunuha nca Onkani o Njyami evuli syami.» 26Baari ma yuuhi nde ndi: «Ŋa abuuna ovuuha na?» 27Jesu okaali ndi: «Maami a baari ma ali i buuna osa ni, Njyami abuuna.» 28Ŋa Pyere ndi: «Bisi lemi suba biibi me eki na bisi kalihi, lemi lwono we.» 29Jesu okaali na bo ndi: «Me eduha be sisyele, mvuuru anyila njo e nde, na okari a nde, na akulu bɨla barihi a nde, na taara bɨla nguhu na baana a nde. Obila ma Onkani o Njyami, 30nde aje obaha kuna ma antini ma. Ŋa antini ma aje oya, nde aje obaha lebihi le mbumbu.»
Jesu avuriha owobo ma leku le nde bɨla enyusihi e nde
31Jesu oyahi alwoni a kuumi na vwele bɨla nde, na bo ndi: «Lemono, saabe leya lekʉma na Jerusaleme, ŋa maami ma awobi a mbari e Njyami ma ateendi aso o Mwana mvuuru, ma aje omono mo. 32Obila ma aje ompa nde na baari ma ali ka Ajife ni#18.32 Ajife baari ma ampi Jesu na asi Rome., bo asebe nde, bo atuha nde, bo acuura nde antayi. 33Bo ma aje obula nde ekaci, bo ma aje obuma nde. Ŋa cuhu o tari nde aje onyusiha.» 34Ŋa alwoni aka yuha jaa si mo ni. Mbari jya eki lempiini, bo aka yaa maami a Jesu aduhii bo ni.
Jesu asalaha balaha eki i mono ni
35Ŋa Jesu aki aciina na onguundu o Jeriko, balaha mo eki i mono ni aki o nci ma osyese a njila, alaha biibi. 36Nde oyuha lemvuuru leyira nde opɨsi bo ndi: «Co kwa oma?» 37Bo akaali na nde ndi: «Jesu a Najarete ayira.» 38Ŋa nde owʉli nkɨma ndi: «Jesu a Mwana Davide, mono me nkerihi!» 39Baari ma laanihi levusu le nde abye na nde ndi: «Ka pi!» Ŋa nde oselehi owʉla ankɨma nkara yulu ndi: «Mwana Davide, mono me nkerihi!» 40Jesu osuri, oduhi na bo ndi: «Leya na me nde!» Mvuuru ali i mono ni ociini o paani e nde, Jesu opɨsi nde ndi: 41«We asaha mbɨri me sa we oma?» Nde okaali ndi: «E Nkʉmu sa mbɨri me vuruha emono.» 42Jesu okaali nde ndi: «Mono! Oyalihi o we omi vusuha we.» 43O nci na nci ŋa nde oya amono, olwoni Jesu, na lekuusa la lekʉma le Njyami. Baari aso amono vwa, aya ma kasaha Njyami.
Markert nå:
Like 18: MDT
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Like 18
18
Ncincami opami maami obi bɨla okaasi okuuli
1Jesu oti bo ncincami mo oduha bo ndi ove bo avwoni antini aso, bo i kolo ni. 2Nde na bo ndi: «Nca onguundu omo eki na mvuuru apamaŋa maami. Nde aki i nyiima Njyami ni, nde se na mbengili o baari. 3Nca onguundu kya se eki na okaasi okuuli, ajihi mpili e nde ndi: “Pama jaa e mpaniŋi e saa na buha le me le ombangu.” 4Antini ayiri kuna, mvuuru apamaŋa maami aki njala kali. Emana nde ndi: “Ŋa si me i nyiima Njyami ni, me se na mbengeli o baari, 5okaasi okuuli yu aweele me, me ema pama jaa e nde, mo oduma nde i ma bula me ocwi antini aso ni.”» 6Nkʉmu oluusi ndi: «Ŋa leyuha leduhi opami maami obi yu! 7Ŋa Njyami aka aje osa opami a tele mo baari a nde ama swolo, ma wʉlaha ankɨma na e nde, na na mwi, na na mpiibi ni? Nde aje osa andira ma oyamaha bo? 8Me eduha be, nde aje opama bo asisari. Ŋa ntini e Mwana mvuuru aje oya na avuruha, nde aje obasaha oyalihi o yula ncye?»
Ncincami Ofarisi bɨla onga lepo
9Jesu ovurihi oti bo ncincami ji, mo baari ake ma monihi ndi bo ali tele, bo abengele abuha: 10«Abalaha vwele akumi ntaana njo e Njyami, na avwono. Omo aki Ofarisi, omo otoniŋi lepo. 11Ofarisi ma otele avwono nca otima ndi: “E Njyami me empa we leve mo osuumbu a me eli ka mva abuha maamo ni. Bo ajibi, bo abi, bo masyaha ncuuma, mva otoniŋi lepo yu. 12Me eka njala ecuhu jyele nca ecuhu ncaami. Me empa we buhu le okuumi le biibi e me ebaha eso.” 13Otoniŋi lepo aki o lala, ŋa nde aki i buuna osaara se miisi na yulu ni. Ŋa nde aki akuruha ondundu aduha ndi: “Aa Njyami, mono me nkerihi osi ambiini mva me.” 14Me eduha be, balaha jya ema vuruha njo e nde ŋa, Njyami omi kaala nde oya tele, ŋa ka Ofarisi ni. Mo oma mvuuru akuusa nyuru ma vuura nde nci, avuraha nci ma kuusa nde.»
Jesu ayamba enkere ma ekyehe
15Baari ayi na baana ma enkere na e Jesu ndi nde otiila na bo. Alwoni amono vwa, abye na bo. 16Ŋa Jesu otumi bo ociina na baana, oduhi ndi: «Lenyila enkere ma ekyehe eya na e me! Lekaa kanaha bo ni, mo oma Onkani o Njyami oka na baari ma ali mva bo. 17Me eduha be sisyele, mvuuru abɨsa oyalaha Onkani o Njyami mva onkere okyehe, aka aje onyunuha o bo ni.»
Nga osolo
18Nkʉmu Ajife omo olehi Jesu oduhu ndi: «E Nkʉmu ove, me ma obaha lebihi le mbumbu me osa buni?» 19Jesu okaali na nde ndi: «We acwolo me o Nkʉmu ove mo oma? Mvuuru se omo ove onyaŋa, o ngula Njyami. 20We oya ekele a Njyami: “We i sa ncuuma ni, we i buma mvuuru ni, we i jiba kuba ni, we i banaha mvuuru ni, nyiima taara bɨla nguhu a we.”» 21Balaha jya ekaali nde ndi: «Me ema nyiima maa aso esi wa me obusi.» 22Jesu omana oyuha nde okaali ndi: «Emi siila we jaa mo ntu: tehe biibi e we eso, omana we kabaha anga owuha adoro. Ŋa we aje obasaha osolo o yulu. Omana we oya, we olwono me.» 23Ntini e nde ayuhi vwa, nde omoni obi, ma obila o nde aki na osolo a kuna.
24Jesu omono ndi balaha jya emi mono obi, nde okaali ndi: «Baari ma ali na osolo, na syami ma onyunuha nca Onkani o Njyami! 25Mo oma nyama mva samo#18.25 Ma lefaala amateende samo: anyama ma biriha baari. abuuna onyunuha mo bulu le sori, okoroho nga osolo ma onyunuha nca Onkani o Njyami evuli syami.» 26Baari ma yuuhi nde ndi: «Ŋa abuuna ovuuha na?» 27Jesu okaali ndi: «Maami a baari ma ali i buuna osa ni, Njyami abuuna.» 28Ŋa Pyere ndi: «Bisi lemi suba biibi me eki na bisi kalihi, lemi lwono we.» 29Jesu okaali na bo ndi: «Me eduha be sisyele, mvuuru anyila njo e nde, na okari a nde, na akulu bɨla barihi a nde, na taara bɨla nguhu na baana a nde. Obila ma Onkani o Njyami, 30nde aje obaha kuna ma antini ma. Ŋa antini ma aje oya, nde aje obaha lebihi le mbumbu.»
Jesu avuriha owobo ma leku le nde bɨla enyusihi e nde
31Jesu oyahi alwoni a kuumi na vwele bɨla nde, na bo ndi: «Lemono, saabe leya lekʉma na Jerusaleme, ŋa maami ma awobi a mbari e Njyami ma ateendi aso o Mwana mvuuru, ma aje omono mo. 32Obila ma aje ompa nde na baari ma ali ka Ajife ni#18.32 Ajife baari ma ampi Jesu na asi Rome., bo asebe nde, bo atuha nde, bo acuura nde antayi. 33Bo ma aje obula nde ekaci, bo ma aje obuma nde. Ŋa cuhu o tari nde aje onyusiha.» 34Ŋa alwoni aka yuha jaa si mo ni. Mbari jya eki lempiini, bo aka yaa maami a Jesu aduhii bo ni.
Jesu asalaha balaha eki i mono ni
35Ŋa Jesu aki aciina na onguundu o Jeriko, balaha mo eki i mono ni aki o nci ma osyese a njila, alaha biibi. 36Nde oyuha lemvuuru leyira nde opɨsi bo ndi: «Co kwa oma?» 37Bo akaali na nde ndi: «Jesu a Najarete ayira.» 38Ŋa nde owʉli nkɨma ndi: «Jesu a Mwana Davide, mono me nkerihi!» 39Baari ma laanihi levusu le nde abye na nde ndi: «Ka pi!» Ŋa nde oselehi owʉla ankɨma nkara yulu ndi: «Mwana Davide, mono me nkerihi!» 40Jesu osuri, oduhi na bo ndi: «Leya na me nde!» Mvuuru ali i mono ni ociini o paani e nde, Jesu opɨsi nde ndi: 41«We asaha mbɨri me sa we oma?» Nde okaali ndi: «E Nkʉmu sa mbɨri me vuruha emono.» 42Jesu okaali nde ndi: «Mono! Oyalihi o we omi vusuha we.» 43O nci na nci ŋa nde oya amono, olwoni Jesu, na lekuusa la lekʉma le Njyami. Baari aso amono vwa, aya ma kasaha Njyami.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES