यहून्नो 2
2
गलील प्रदेशो काना रिंङ मुण्डो चमत्कार
1झुह्ट ध्याड़ो थल गलील प्रदेशो काना नगरंङ अतुआ ब्याह तोहई, दंङ यीशु याह ला दोर्तिंङ तोहई। 2यीशु ए दोऊ चेलारे ला दोर्तिंङ बुलासी तोहई। 3अपेहल दाखो रस योह्सा इलि, ता यीशु याह ज़ि दोबि कुंई, “दोतु दोहर दाखो रस योह्सा इलि।”
4यीशु ज़ि दोबि कुंई, “हे याह केई गिह्बी छिले कंड्रातन? मसीहू रुपंङ सेहच़िमी थल्जी गिऊ टेम अईता अंज़े माह।” 5पर दोऊ याह ज़ि परगरातिंङ कुहतो, छना दोई कुड़ी, ध्वांए लांई। 6दोर्तिंङ यहुदी तु गुहड़ शुलज़िमी रिवाज़ो हिसाबे शुहचे लहज़िमी थल्जी रघटु त्रुई बर्चारे केहषी तरेर, अतु अंद्रेग झुह्ट-झुह्ट षुमु-षुमु मण (इच्च़ा मण 40 लीटर) अपाते।
7यीशु ज़ि परगरतु हखा कुंई, बर्चातिंङ ती रंङ पिंङे च़रतुंई। दंङ दोच़ी दुह मुखा तचेक पिंङे च़रतिर। 8दंङ यीशु ज़ि दोतिंङ कुहतो, दा ती हुन्ज़े बोटीतु मुख्या ओ कछंङ शिलांई। दिऊ थल्जी दोरे ती दोऊ कछंङ लेंज़ा शिलिर। 9अपेहल बोटी दुह ती च्वासि, अंऊ दाखो रस बणेंकी इलजी तोहई दंङ दुह माह ञेंहच़ाते कि दुह अंऊरच़ि अंज़े शुह पर कम लहज़ार परगरतिंङ पता तोहई, दंङ बोटी ज़ि ब्याहू बुलाके दोबि कुहतो, 10“भत्ते मीहज़ी तुहई रूठे दाखो रस रंड्री, अपेहल मीहरे तुंङे कह्षे य्वातोर, दंङ घटिया दाखरस रमतो, पर केई रूठे दाखो रस अईता तचेक केहषी तातन।
11यीशु ज़ि गलील प्रदेशो काना नगरंङ एनोह मुण्डो चमत्कार कंज़े एनोह महिमा प्रगट लहरी दंङ दोऊ चेलाज़ि दोऊ टोईच़ी विशवास लहरीर कि दुह ए मसीह शुह। 12दिऊ थल यीशु ए दोऊ याह, न्वा ए चेलारे कफरनहूम नगरो हखा इलिर दंङ थोडे़ अरे ध्याड़ा दोर्तिंङ बंङज़िरी।
मंदिरंङ च़ि व्यापारी रे हुंपी
13यहुदी मीहतु फसह ओ त्यार कछंङ पिचे अंज़े तोहई, दंङ यीशु यरूशलेम शहरो हखा इलि। 14दंङ दोई यहुदी मंदिरो ल्वाड़िंङ बङारे, त्रैंई कबूतर लङजारे, साहुकारातिंङ ब्यापार लहज़ी तंङतो। 15दंङ दोई राशीऊ कोड़ा बणेंके, भत्ते त्रैंईरे ए बंङ यहुदी मंदिरंङ च़ि धह्तेका हुन्ज़े च़रति, दंङ साहुकारातु ढबाह छङें च़रति दंङ मेजारे फुचंङ ले केहरी,
16यीशु ज़ि कबूतर लंङजारे दोतिंङ कुहतो, दिहरे देरच़ी लेन्ज़ा शिलांई। गिऊ बाहू घरबार ब्यापारो अड्डा था बणाएतुंई। 17दंङ यीशु ऊ चेला तिंङ हिद अति कि पवित्र शास्त्रा रिंङ च़ेहसी तोह, कांह चुंङो भक्ति गिऊ अंद्रेग मेहू ठ्रोह लेहपा।
18दिऊ थल यहुदी सेंहणा ज़ि दोबि कुहतो, केई झांह लेह ञेंतिंङ छि स्वर्गो निशानी कंड्रातन? 19यीशु ज़ि दोतिंङ जुबाब रेंई, दी मंदिर ठ्रावल्ज़े च़रतुंई, दंङ गेह षुमु ध्याड़ो थल यह्च़ा बणाके च़रपोग।
20यहुदी सेंहणा ज़ि कुंई, दी यहुदी मंदिर बणाएच़िमी थल्जी निन्ज़ोह त्रुई साल लेह्की शुह, दंङ छि केई षुमु ध्याड़ो अंद्रेग बणाएपोना? 21पर यीशु अंऊ मंदिरो पाहठी कुट्री लेहकी तोहई, दुह दोऊ फुक तोहई।
22झांह लेह सीमी दोरच़ी षिङे इबिमी थल चेला तिंङ दोऊ दिह गप्पा हिद अति दंङ दोच़ी पवित्रशास्त्र ओ टोईच़ी विशवास लहरिर अंऊ यीशु मसीहू यच़ाह श्रींङे शुहबिमी पाहठी कंड्राते।
यीशु मीहतु सेहम ञेंहच़ा
23अपेहल यीशु यरूशलेम शहरंङ फसहो त्याहरो मुक्का तोहई, दंङ दोऊ दोरच़ी लहसी महस चिन्ह चमत्कार खंड्राते महसे मीहज़ी दोऊ टोहकठे विशवास लहरिर। 24पर यीशु ज़ि दोतु टोहकठे विशवास माह लहरी, छना कुचे दुह मीहू स्वाभाव ञेंहच़ाते, 25दंङ दोबि अतुला ज़रूरत माह तोहई अच़ि दोबि मीहतु पाहठी कंबतो छना कुचे दुह ञेंहच़ाते कि दोतु सेहमा छि तोह।
Markert nå:
यहून्नो 2: LBFNT
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
