Popularne wersety biblijne z Lakana 15

Udostępnij

An olok, wun ibedo wunu jana. Ŋat ame bedo i an, kede an i en, en nyako nyige apol, pien mom itwero wunu tiyo ginnoro aboŋo an.

Bed wunu i an, an daŋ i wun. Acalo bala jaŋ olok mom twero nyak pire kene, ka mom omoko i kom olok, amannono, wun daŋ mom itwero wunu ka mom ibedo wunu i an.

Ka ibedo wunu i an, ame kun koppa bedo i wun, kwa wunu gin ducu ame imito wunu, obino timo pirwu.

Mom wun en iyera wunu, ento an en ayerowu, dok aketowu me iwot, inyak wunu nyigwu, dok me nyigwu perakino, wek gin ducu ame ibino wunu kwayo i baŋ Papo i nyina, en miwu.

Mom tye ŋattoro ame tye kede mar adwoŋ ame kato man, dano ijalo kwo mere pi awottere.

Jaŋe acel acel i koma a mom nyak, en lwero oko; ento jaŋe ducu ame nyak en lonyo, me med nyak apol.

“Man en cik mera, ni imarre wunu kenwu acalo rik an amarowu.

Man bino kela kwogo i kom Pappa, ka inyako wunu nyigwu apol; kite-nono, ibino doko wunu jo a luba.

“An olok me ateni, Pappa en apur.

Ka dano moro mom bedo i an, obole oko bala jaŋ yat, two oko; ocokogi, obologi i mac, gin waŋ oko.

Kop man atittiwu wek yomcunya bed i yiwu, me ipoŋ wunu kede yomcuny.

Ka igwoko wunu cikka, ibino wunu bedo i mar mera, i kite acalo rik an agwoko cik a Pappa, abedo i mar mere.

Gin ame acikowu iye en ene ni, marre wunu kenwu kenwu.

Kono ibedo wunu jo me lobo, kono lobo omaro wun jo mere; ento wun mom ibedo wunu jo me lobo, ento ayerowu i lobo, mannono omio lobo odagowu.