Popularne wersety biblijne z Lakana 16

Udostępnij

Akobo man baŋwu me ibed wunu kede kuc i an, i lobo wun itye wunu kede can; ento di wunu cunywu, an doŋ aloo lobo.”

ento Cuny me ateni ka bino tuno, bino telowu i ateni luŋ; pien mom bino kop pire kene, ento gin ducu ame en bino winyo, bino kobo baŋwu, bino tittiwu gin ame bino timere i nyim.

Tuno amanni yam mom ru ikwao wunu ginnoro i nyina; kwa wunu, ibino wunu nwoŋo, me ipoŋ wunu i yomcuny.

Ento atye ka tittiwu kop me ateni, ni, bino bedo ber baŋwu ka an awoto; pien ka mom awoto, Akony mom bino tuno baŋwu, ento ka awoto, abino ore baŋwu. Ka en otuno, bino nyutti lobo ni niaŋgi i kom bai, kite atir kede ŋolo kop mom tye kakare

Amanni cunywu waŋ, ento abino nenowu doki, ibino wunu lelo kede yomcuny, mom tye ŋattoro ame bino kwanyo yomcuny wu i baŋwu. I nino-nono mom ibino wunu penya pi kopporo. Ateteni akobbiwu ni, ka ce ibino wunu kwayo ginnoro ibaŋ Papo i nyina, en bino miyowu.

Ateteni akobbiwu ni, ibino wunu koko, ibino wunu kumo, ento lobo bino lelo; cunywu bino wan, ento wancunywu bino lokere doko me lelo.