Popularne wersety biblijne z Ɖúù 14

Udostępnij

“Nyɔ ɖò se ní ɖeín-nà-nyɔ̀ jǔɛ ɓɛ́ìn, ɔ sèìn ɔ nyɛ́ dyɛ ɔ ɓǎ kè ɔ ɖe kè ɔ gmàà kè ɔ dyú ɓě kè ɔ ɖíí-gàà ɓě kè ɔ ɖíí-màà ɓě ɔ kè ɔ mìɔùn nììn fɛ̀ɛ̀ɔ̀ mú hwɛ̀.

Nyɔ mɔ̀ nyɔ ɓɛ́ ɔ se ɔ mìɔùn nììn kɔ́ɖɔ́sìɔ̀ ɓéɖé, ɓɛ́ ɔ ké ḿ kíɖíí sí kɛɛ, ɔ se ní ɖeín-nà-nyɔ̀ jǔɛ ɓɛ́ìn.

Sepóɛɖé nyɔǔn séín ɓě ɓɛ́ wa ɓúáìn wa mìɔùn dyíɛɛ, wa mu wa ɓíɖíi dyàùn, ké nyɔǔn séín ɓě ɓɛ́ wa dyà wa mìɔùn ɓíɖíiɛɛ, wa mu wa dyií ɖúùn.”

Kà dyúáɖòɔ̀ kǎà ɓě ɖò se ní ɖeín-nà-nyɔ̀ jǔɛ ɓɛ́ìn, ɔ sèìn ɔ táà dyɛ ɖɛ séín ɓě ɓɛ́ ɔ ɓéɖéɛɛ dyi hwɛ̀.

“Ɔ jǔ ké nyɔ ɖò dyi gbǒ tɔ̀mɔ̀ dya ɖò poɛ mɔ́ ní, ɔ kò dyi, ké ɔ poìn wíɖí jĩ̀ kà ɓɛ́ ɔ mu gbǒɔ̀ pòìn nyɛɛ jè hwìɖǐi kĩ́ín, ɓɛ́ ɔ kéɛ dyé kɛbì ɔ mu wíɖí goun ɓéɖéìn ɓɛ́ ɔ ké gbǒɔ̀ hwɔ ní. Ɔ seɛ náa nyuín, nìí, ɔ dyi gbǒɔ̀ hìɖì-kpà dèǐn, nìí, ɔ se gbǒɔ̀ poɛ hwɔɔ ɓɛ́ìn. Ké nyɔ séín ɓě ɓɛ́ wa dyé ɖɛ kpá ɔ gboɛɛ mu ɔ dyɔ́ ɓaɖaùn. Wa mu níiń, ‘Gàa nìà kɛ dè gbǒɔ̀ po-po gbɔ, kɛɛ ɔ seɛ hwɔɔ ɓɛ́ìn.’

Kɛɛ ɔ jǔ ké m̀ dyi hwɔ pa ní, nìí, m̀ mɛ ɖá gǎ-dyé-nyɔ̀ ɓě kè nyɔ ɓě ɓɛ́ wa kɔ́ɖɔ́ kɛ ɔ kè dyéɖéín-dyi-kpè-nyɔ̀ ɓě. Ké mana mu m̀ kɔ̃ nììn, sepóɛɖé wa se m̀ ɖɛ ɓěɔ̀ ɖò ɖe nyíɛ ɓɛ́ìn ɖe. Ti ɓɛ́ dyí-sɛ́ɖɛ́ìn-nyɔ̀ ɓěɔ̀ mu gĩɔ wóɖóùn wɛ̃ɛ, Gèɖèpɔ́ɔ̀ mu m̀ pɛ́ɛ̀ìn.”

“Tɔ̃́ nɔ̀mɔ̀ dyíin, kɛɛ ɔ jǔ ké tɔ̃́ɔ̀ ɖéé-ɖééɔ̀ dyi ɔ mú sɔ̀ ní, nìí, xwɛ̌ ɔ ɓɛ́ìn ɖéèɛ̀ nyuɛ ɖe kɛ́? Ɔ seɛ nyuɛ ɓɛ́ìn ɓɛ́ ɓóɖóɔ̀ ké dyíin nɔ̀mɔ̀, ké ɔ se dyíin nɔ̀mɔ̀ ɓɛ́ m̀ kéɛ sòò-nyíníín caìn, ɓɛ́ ɔ ké ɓáá-ɖɛ̀ gbo-po-ɖɛ̀ jǔ dyɛ mɔ̀ùn. Kɛɛ nyɔǔn wáɖáa xwáɖáún. Nyɔ ɓɛ́ ɔ ɓéɖé ɖùǔ ɓɛ́ ɔ ké dyi wɔ̃́ɛɛ, ɔ mɛ tò ɖùǔ.”