Popularne wersety biblijne z Ɖúù 15

Udostępnij

Ké ɔ sɔ̀ ma dyí, ké ɔ kpá ma ɔ ɓǎ gbo mu hwìè xwíníín. “Ti ɓɛ́ ɔ nì ma ɖé nya vɛ̃in keɛɛ, ɔ ɓǎ dyé ma ɔ. Púɛɛ, wìì nyu ma ɔ ní, ké ɔ kpa ma ɔ dyúɔ̀ gbo peɖeɛ, ké ɔ gbèɖèìn ma ɔ, ké ɔ nyá ma ɔ wɔ̃.

sepóɛɖé ní dyú nìà kɛ mɛ́ ma ní, kɛɛ ɔ nì cĩ́ɛń ɖe. Ɔ sè ma xwáɖáún, kɛɛ à ɖǎ ɔ dyé ɖe.’ Ké wa ɖú ma hwɔɔ̀ pa kpàǐ.

Ḿ cɛ̃ɛ ɓě gbo, kà dyúáɖòɔ̀ kǎà múà mu ɖé dyɔún nììn, ɔ jǔ ké nàmàǔn-nyɔ̀ dyúáɖò dyi ɔ kpeɖe gbàɔ̀ dyi táà ní, ké ɔ zi nyɔ ɓě ɓɛ́ wa ɖá wa mɔ̀ dyí-sɛ́ɖɛ́ìn-nyɔ̀ kpáɖá-nyɔ hĩinyɛ ɓaɖa-bùè sè mɛ̀nɛ̌ìn-hĩinyɛ ɓɛ́ wa se ɓéɖé ɓɛ́ wa ké waà kpeɖe gbàɔ̀ dyi táà kɛɛ jè dyí.

Ní mu dyí sɔ̀ùn, ɓɛ́ ḿ ké ḿ ɓǎ gbo ɖe mu, ɓɛ́ ḿ kéɛ ɔ gbo cɛ̃, ɓɛ́ ḿ ké níiń, “Ḿ ɓǎ, ḿ ɖǎ Gèɖèpɔ́ɔ̀ nàmàǔn bũ̌ nyu, ké ḿ ɖǎ mɔ̀ùn nàmàǔn bũ̌ nyu.

Ké ɔ dyúɔ̀ cɛ̃ɛ ma ɔ gbo, ké ɔ ɖá, ‘Ḿ ɓǎ, ḿ ɖǎ Gèɖèpɔ́ɔ̀ nàmàǔn bũ̌ nyu, ké ḿ ɖǎ mɔ̀ùn nàmàǔn bũ̌ nyu. Ké ḿ se nì dyú jǔɛ ɓɛ́ìn ɖe.’

“Ɔ jǔ ké ɓě ɖò dyi ɓáɖáá hɔ̃dɛ̀ɖɛ̀ ɖò ɓéɖé, ké waà dyúáɖò dyi xwáɖáún sèǐn, nìí, ɖɛ́ nyɔɔ̀ mu nyuùn wɛ̃́? Má, ɔ mu ɓáɖáá kpáɖá-nyɔ hĩinyɛ ɓaɖa-bùè sè mɛ̀nɛ̌ìn-hĩinyɛ ɓě sèà ɓóɛɛ ɖé gbǎùn-fúɖúáɔ̀ kɔ̃ sèìn, ɓɛ́ ɔ ké ɓáɖááɔ̀ nyɔ sèà xwáɖáún wɛ̃ɛ dyi mɔ́ɔ kpa tee, ɓɛ́ ɔ kéɛ dyé hwɛ̀e?