Popularne wersety biblijne z Génesis 6

Udostępnij

Te Jehová la smel yo'tan yu'un te la spas te ants-winiquetic; tal sc'uxul ta yo'tan.

La yil te Jehová te bayel bintic chopol yac spasbelic te mach'atic ayic ta bahlumilal, soc te spisil ora ma lecuc te bintic ya snopticlan ta yo'tanic.

Yan te Noé lec ilot yu'un Jehová stuquel.

Hich ay sc'oblal te yorahil Noé. Toj ta winiquil te Noé; ha nax te lec yo'tan stuquel ta yohlil te ants-winiquetic ta hich ora. Behen soc Dios te Noé.

Ha yu'un la yal te Jehová: Ya me jlajin ta sba te bahlumilal spisil ants-winiquetic te pasbil cu'un, spisil chambahlametic, te bintic ya stas sba ta behel, soc te mutetic ya xwihlic ta toyol, como ya jsuht jc'op yu'un te la jpasticlan, xchi.

Te c'alal bin ora hahch sp'ohl sbahic te ants-winiquetic ta sba te bahlumilal soc te ayin yantsil-nich'nabic, te yal-snich'nab Dios la yilic te buen t'ujbilic te yantsil-nich'nab ants-winiquetic, hich la yic' yihnaminic te banti la smulanique. La yal te Jehová: Ma spisiluc ora ya x'a'tej te espíritu cu'un ta stojol te ants-winiquetic como ha ch'ich'-baq'uet nax; wacwinic (120) nax ha'bil ya cuxajic, xchi sc'oblalic. Ha yorahil a te ay muc'ul nahtil ants-winiquetic ta bahlumilal, soc nix ta patil te c'alal la sta sbahic te snich'nab Dios soc te yantsil-nich'nab ants-winiquetic, te ayin yal-snich'nabic. Ha'ic te mach'atic ich'bilic ta muc' te puhquem sc'oblalic ta namey.

Te Noé la spas spisil hich te bin ut'il pasot ta mandar yu'un Dios.

Ha yu'un Dios la yalbe te Noé: La jnopix te ya jlajin spisil bintic cuxajtic, yu'un ha ta scuentahic te nojel ta uts'inwanej te q'uinale. Ha yu'un pajal ya jlajin te q'uinal soc spisil bintic cuxajtic.

Pasa jun barco ta gofer-te', tsahlatsahl me yac apas, soc ya me apac' ta xuch' ta yutil soc ta spat.

Dios la yil te c'ax bohlob te bahlumilal, yu'un ta spisilic bohlobtesbil yu'unic bintic la spasic ta q'uinal.

Spisil bintic cuxajtic, chebcheb yac awic'ticlan ochel ta barco ta jujuchahp, stat soc yantsilel, scuenta yu'un pajal ya xcuxajat soc.