Popularne wersety biblijne z Jọn 13

Udostępnij

Uhi ọgbọn ne I yi ne uwa ọrọre wẹ, wa gha ho ẹmwẹ egbe. Zẹ vbene I mẹ ho ẹmwẹ uwa ọre ọ kere ne uwa vbe gha ho ẹmwẹ egbe uwa. A deghẹ wa ho ẹmwẹ egbe ọre emwa hia gha na rẹn wẹ erhuanegbe mwẹ ọre uwa khin.”

Mẹ ne ọ re Ọmamwaemwi kevbe Nọyaẹn uwa kpe uwa owẹ. Rhunmwuda ọnii ọ kere ne uwa vbe gha kpe egbe owẹ. Igiemwi ọre I rhie ne uwa, wa ghi gha ru vbene I ruẹe ma uwa na.

Jesu wanniẹn tama rẹn wẹẹ, “U i he sẹtin rẹn otọ emwi ne I ru banbanna, sokpan u gha rẹn otọ ẹre vbe okiekie.”

Ne I ta ẹmwata ma uwa. Ọviẹn i kpọlọ sẹ enarẹn, ọmwa ne a gie ẹre uhunmwu i vbe kpọlọ sẹ ọmwa ene ọ gie ẹre uhunmwu.

Wa rẹn ẹmwata ne ọ rrọọ nẹ nian. U miẹn vbe agbọn uwa gha rhiẹnrhiẹn hẹ deghẹ wa rhie obọ lele ẹe ya gha yin.

Rhunmwuda ọnii, Jesu kpaegbe vbe ehe ne iran na rri evbare, ọ kuọ agbada ẹwu ẹre mu ye efẹn ọkpa, ọ keghi rhie ukpọn ne a ya khiẹn egbe gba ẹkun. Ọ tue amẹ ye emwi ne a ya khuẹ, ọ keghi suẹn gha kpe avbe erhuanegbe ẹre owẹ, ọ na ya ukpọn ne ọ rhiegba ni gha khiẹn rẹn uan.