Popularne wersety biblijne z Jọn 14

Udostępnij

“Ọfumwegbe ọre I ya we uwa, ọfumwegbe mwẹ ọre I ya we uwa, ẹ i re. Vbene agbọn ya we ọmwa ọre I ya we uwa. Wa ghẹ fian afianma, wa ghẹ gie ohan mu uwa.

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

“Wa ghẹ gie ekhọe uwa lighi. Wa ya Osanobua yi. Wa vbe ya mwẹ yi ba ẹre.

Nọyọmwaobọ nii, Orhiọn Ne Ọ Huanrẹn ne Evbavba ye eni mwẹ gie rre gha ma uwa emwi hia, ọ ghi ye uwa ẹmwẹ ne I he tama uwa hia rre.

Ọmwa ne ọ rhirhi rhan obọ miẹn uhi mwẹ, ọ na vbe ya ẹe gha ru emwi, rẹn ọrọre ọmwa ne ọ ho ẹmwẹ mwẹ. Ọmwa ne ọ ho ẹmwẹ mwẹ, Erha mwẹ gha vbe ho ẹmwẹ ọnrẹn. Mẹ tobọ mwẹ gha ye egbe mwẹ naẹn miẹn.”

Mẹ gha nọ Evbavba, rẹn ghi vbe rhie Nọyọmwaobọ ọvbehe gie uwa. Orhiọn ẹmwata nii ne ọ gha gu wa rrọ ẹdẹdẹmwẹdẹ. Agbọn i sẹtin rhan obọ miẹn ẹnrẹn rhunmwuda ighẹ agbọn i sẹtin dẹghe ẹre amawẹ, ọ gha rẹn ọnrẹn. Sokpan wa rẹn ọnrẹn, rhunmwuda, ọ gu uwa ọ vbe rre uwu uwa.

Emwi ne uwa a rhirhi nọ vbe eni mwẹ i ghi ruẹe, ne a miẹn ehe na la ekpa ọmọ rhie uyi Evbavba maa. Wa gha nọ mwẹ emwikemwi vbe eni mwẹ I gha ruẹe.

“Deghẹ wa ho ẹmwẹ mwẹ, wa gha họn ẹmwẹ mwẹ.

Ughugha bun vbe owa Erha mwẹ, Mẹ ra ya te ẹre ye otọ khẹ uwa. Akpawẹ ẹ i re erriọ ye, mẹ i ghẹ tama uwa vberriọ.

Mẹ gha ghi ya te ẹre ye otọ khẹ uwa nẹ, I gha dọlegbe gha dee do viọ uwa ba egbe, ne uwa miẹn ehe na gha rre ehe ne imẹ ye.

Tọmọs tama rẹn wẹẹ, “Nọyaẹnmwa, ma ma rẹn ehe ne u rrie, vbe a gha na rẹn odẹ ne a la sẹ ọe hẹẹ?”