LUK 6
6
Sernikhuo Ruia Dingkel
(Mat. 12:1-8; Mrk. 2:23-28)
1Hingahin pong kansak na nikhua an khat Jisu ning lui puk ahonglai puma thiamruoingai ning gehubor an khomma an kut annuaia an lui chak, 2Pharisi aviar ning anti, “Ijarra pong kan sak nikhuo hin tho jot lui chuan nan tho?” 3Jisu ning anmani jiang a sang, “David le alui kanruaipui ngai ning an von a cham karra imo an tho? 4David ning ija mo inn thiang sunga an lut a, thiampulian ngai jak in chak a jot tal ha ijarra mo an chak, hale a nuk jui ngai om ija mo an chak, ti ha tunnom chongthianghan nang nin telma che u mo?” 5Puman anmani jiang a ti, Minai Pasalha pong kan sak nikhuo a neipu ani.
Anat khat A mandamna
(Mat. 12:9-14; Mrk. 3:1-6)
6Han pong kan sak nikhuo dang an khat a puma ning in thiang sunga mi a manchu, pha han a kut chang tiang a thi mi khat alui om. 7Han pharisi le danthei oja a dangngain pong kan sak nikhuo han a nat mitam amandam tia ama sial na an lui en chak. 8Han puma ning an lungai ha a jet, han akutkhat athipa jiang han a ti; “Thuiro; alaihin ngirro;” hale ama ning a thuia angirjui. 9Hale Jisu ning anmani jiang a ti, “Kein nang ni jiang na dingkel rong Pong kan sak na nikhuo hin chuan satmo kan tho rang, asaluimo kan tho rang, sanring na mo, animakle kan man mangrang mo?” 10Han puman anmani a en na a ti, na kut domtaro, hale ama ning a kut a dom karra a satjui. 11Han anmani an lung hui lai mak, Jisu jiang imo kan tho rang tia khat le khat an lui kansiamjui.
Jisu ning Thiamruoi Somleini Athangna
(Mat. 10:1-4; Mrk. 3:13-19)
12Hingahin Jisu ning tangbunga a chea Pathian jiang biakna alui nei a jansot Pathian chubei a buk jui. 13Khuo a hong var pha hin a thiamruoingai ha ama jiang akuia thiamruoi somleini athanga ama ning Pathian chong sem tirlon nan ni tia ming alui pek. 14Pitar anti Simon a nai, pangpa Andrew, Jems Jakob, hale Johon, Philip, hale Batholomew, 15Mathiu hale Thomas, Alphaus a nai Jems, hale Simon a lung lutpa Selot. 16Hale Jems a nai Juda, hale Juda Iskariot (Jisu ajorpa) anni.
Jisu ning Amanchule A mandamna
(Mat. 4:23-25)
17Hingahin Puma ning thiamruoingai le phaijol han alui hong chumpha han thiamruoingai le a dang mitamtak Judia, Jerusalem, Tair le Sidon khopuia a omngai, 18ama chong thiang ringai damthei na ranga kan en an lui hong. 19Hava han a om mitam ning Puma tak sa sitna ranga an hong tho han, puma rat na ranak han anatmi rakip anluidamjui.
Huinale Pongna
(Mat. 5:1-12)
20Jisu ning a thiamruoingai ha a en na a ti, “Ariang khodengtheingai ha ravansat nan ni! Pathian rengram ha nang ni ranga ani. 21Atun a tunna achapngai nang ni nan lamanhui rang ke! 22Miringnai pasal ruia mi ning an na ma tir, asat an na beluingai nang ni ravansat nan ni! 23Hava phat hin nang ni nan ning man satru. Vanram ma nang ni lo man a lian na a om. Hingahin nan pa napungai Pathian nom Pathian chong lui ri ngai jiang alui suaksa ani. 24Tak-ha “Atuntak naingai ko i duk a a tat mo ini? Ajarko nang nin asat a hui ha nan mu jui! 25A tun na a khop ngai i duk a tat mo? Anvon cham rang ani jui, ajarko chajangsiarra chaprang anni. 26Mirakip ning nang ni nanrui asat annari lai tak han i duk pong na mo ini? Ajarko hingahin anmani an pa an pu ngain Pathian chong lui ri ngai jiang aluithope.
Ana Enda Lungsiatro
(Mat. 5:38-48; 7:12)
27“Tak-ha kein nang ni jiang kari ani, nang ni a na en dangai ha lungsiatru nang ni a na matirngai jiang chuan sat thoru. 28Nangni khuo a na khong ngai jiang phual pekru, nang ni mang na a tho ngai jiang Pathian lam peru. 29Nan ngemtang aben mi ha an khat tiang om manben deru, hale napuangsi anasut mi ha na kuntai anasut nom jotpero. 30Nang jiang analam rakip pekro, hale naphur napai alui ngai ha vei khat singkhir maro; 31hale nang ni jiang mi nanmanthojot anga, nangninom mijianghan thoru. 32Nang ni jiang a na lungsiat ngai jak na lungsiat aninko, nang ni jiang imo asat a la om? Ajarko siatnei ngai nom anmani a lungsiat ngaiha ko anlungsiat ani. 33Nang ni jiang chuansat a thongai jiang jak chuan sat nan tho aninko, nang ni ranga manpak na imo a la om? Ajarko siat nei ngainom an tho tor ani. 34Han nang nin nan mu khir na rang jak puk nangpek aninko, nang ni rang manpak na imo a la om? Siatnei ngainom siatnei ngai jiang anmukhir ranga an man puktor ani. 35Hiva jarra nang ni a na en dangai ha lungsiatru, chuan sat tho peru, mu khir ranga manpuk maru. Nang ni lo man a lian, nang ni a sang tak pathian nai nan chang rang ani, ajarko mi pong na jet luingai jiang om, mi saluingai jiang om Pathian ningko a san, 36nan pa Pathian ning a na lungsiat anga nang ni om kan lungsiatru.
Midang Jiang Chongtan
(Mat. 7:1-5)
37“Mi chunga chong tanmaro, hale nang ni jiang om na man chunoniu, mi chunga a salui non tak pek maro, nang ni jiang om a salui napeknoniu, mi ngaidamru, nang ni om an na ngaidam rang ke. 38Pekru, nang ni jiang om na pek nanti; asat a pek, anar chunga a pek, hale a khel la a pek ning a khel la mu nanti, ajarko nang in nan pek na dan na Pathian ning a na man mu rang ani.” 39“Jisu ning tetan na an khat anmani jiang a ripe, a mitdel khat in a mitdel khat aruoitor mo? Anmani anni nia khurra chulno ni u mo?” 40Thiamruoi ngain a Thiampu nek a lianmak, tak-ha asat anripesa ama ha ama thiampu oja anga alani rang ke. 41Hale nang na mit a chok a om ha muluia, ijarra mo na u nanaingai mitsunga a chok ha na mu? 42Namit sunga a om a chok ha kelluia ija mo na u nanaingai mitsunga a om a chok ha na kel pek ati natitor? A sat kan rol jot ngai nang ni a rapatak kankel bakru, hava suale nang nin na u nanaingai mitda a om a chok ha na mu rang ani.
Thingkungle a ra
(Mat. 7:16-20; 12:33-35)
43Ajarko theikung asatning a satlui ramak, hale Theikung satlui ning om arasat ratormak. 44Ajarko Theikung rakip hi araning itheimo tihi a na manjet, ajarko mingai ning thei chang hi lingkunga khom ma u hale darkha rahi lingbuk karra khom ma u. 45A sat mi ning avonsung tenna a om asat chuan a hong kei sua, han a satlui ngai ning an lung sunga a om a satlui jak a hong suak ani. Ajarko an lung sunga a om asatluihan an murra an hong suak ani.
Innsin Anni
(Mat. 7:24-27)
46“Nang nin ka chong ri ngaihi jui lui a kei hi ‘Puma,’ nannatihi ijarra mo? 47Tu ang khat ning kei jiang a honga hale ka chong a ngai a chuan atho mi ha i ang mo ani tihi kein namanjetrong? 48A ma hi inn mun a satna lung chunga inn sin anga ani. Tui a hong lian karra inn ha a hong nam, aninom inn ha luikannik noning, ajarko inn ha asat a an sin jarra ani. 49Han tu ang khat ning ka chongngai hi ajetda a jui lui ngaiha ko Pasal khat ning inn mun thualluia inn sinpa anga ani, han rua a hong tho karra tui a hong lian na inn ha anam khiakjui, hava inn akiak ha a kiak pet jui!”
Obecnie wybrane:
LUK 6: AIMOLBSI
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.