MATTHAI Awlroekna
Awlroekna
Matthai Awlthang Theen lawng Jesuh tah yan veng Awlkhueh Ruem dawngah Pathen lawng Thlawnkung kavan tuih ai tila Israel thlaang thli tengah a thui oepsoeh awlkam soepna ni tite a thut. He Awlthang Theen tah Jesuh a lawna oen a khawsakna amah Judah phun ham bueng ohla dilai pum ham ti he a tueng sak.
Matthai lawng ngaithuen heet tih he awl he a thut. Jesuh a cuunna kawng kalawng a tong tih Baptisma a huhna oen suekhalh a tawngna, Galili ram ah phung a thuina, a cangpueina oen thlaangtlo hoeihsakna kawng a thut. Tecoengah Galili ram kalawng Jerusalem benla Jesuh a cehna, Jerusalem ah hukhueng koek yarh a hawna tih thinglam dawng a ngawn tih a duekna oen a thawhkoepna kawng a thut.
Matthai Awlthang Theen lawngah Jesuh tah Saya theen koek ni ti he a tueng sak tih Jesuh tah Pathen kah phungawl thuicaih thaina a khueh tih Pathen kah Vaan ram kawng cangpueikung ti he a thui. A cangpueina he pa-ngaa la pek thai la awm. (1) Tlaangsawm kah cangpueina dawngah Vaan ram khuiah aka thuum thli kah khawboe ramlang, bii bi ham koei, dang ham koei thaihu, aboetna ah aka awm ham koei te a thut. (Aboel 5-7); (2) Celtuih thli kah bi ham koei a thui pe (Aboel 10); (3) Vaan ram kawng thuidoetna (Aboel 13); (4) Jesuh kah hubang la awmna kawng cangpueina (Aboel 18); (5) Tahe san boetna kawng oen Vaan ram kawng cangpueina (Aboel 24-25).
A Khuiah Aka Thuum Awl
Jesuh kah Phun thoepna oen acuunna 1:1-2:23
Baptisma pekung Johan kah biibina 3:1-12
Jesuh Baptisma peekna oen suekhalh a tawngna 3:13-4:11
Galili ram ah Jesuh bii bina 4:12-18:35
Galili kalawng Jerusalem benla 19:1-20:34
Jerusalem khawpui khui oen a teng avai ah 21:1-27-66
Bawipa thawhkoepna oen a phumphona 28:1-20
Obecnie wybrane:
MATTHAI Awlroekna: MCNT2006
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Matu Chin New Testament © Bible Society of Myanmar, 2006.