MATIU Gboo chɛ‑a min fɔ
Gboo chɛ‑a min fɔ
Matiu an‑na gboo chɛ nyɛn. A tɔɛ dɔndɔɛ an nɛ Difai. Pawa kain mɔɛ ni a a, a nii na to bea‑a Chisɔsi fɛ. Mɔ dɔndɔ ni a a, mɔ tan kun ma fea chɛ n tɛ ɔ, Chisɔsi na‑a miin chee, bea koe a a fɛ.
Matiu‑a gboo chɛ nyɛn bɛbɛɛ, a bɔɛ Chu mɔɛ n fan tena. A toen ni, a ni a ɔ yian an na, mbɛ Chisɔsi an mu Chasi a, mɔɛ chɛ, Yataa na‑a Chu mɔɛ n too ɔ dia, suun suun min na koe a. Mɔɛ min mbe na‑a, a ni a 'a mɔɛ n kun ka.
Matiu 'a gboo nyɛnden chɛ, a kunɛ chenama gbu, a sien mu Yataa 'a mansaya an ma. A‑a a ɔ yian fan, Yataa toen mu buɛ min dɔ a 'a mɔɛ n na, a basan, Yataa 'a mɔɛ n mbe ma buɛ min dɔ, an ni don a 'a mansaya kɔɔ. A yɛ to, a‑a a ɔ yian fan to, ni mɔɛ ma‑a Yataa 'a mansaya kɔɔ, ɛ tachɛ buɛ min dɔ a wandi a.
Obecnie wybrane:
MATIU Gboo chɛ‑a min fɔ: KONONT
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
New Testament in Kono © The Bible Society of Sierra Leone, 2006.