MATIYU 15
15
1 *Falisieninba leni li *bali maama bangikaaba tianba den ñani Jelusalema ki cua Jesu kani ki yedi o: 2«Be yaa po ke a ŋoadikaaba miidi ti nikpiaba bogida? Kelima bi yaa baa je kuli, bi kan nidi#15.2 Li den tie Falisieninba po kuali yo ki je kaa nidi. Li den tie yaa danbogida n tugi bipo li yuli nani li balimaama yeni. bi nii.» 3Jesu den goa ki yedi ba: «Be yaa po ke yi mo miidi U Tienu *bali maama, ki bua ki kubi yi bogida? 4Kelima U Tienu yedi: ‹Jigini a baa leni a naa,› ki go yedi: ‹Yua n soli o baa yaaka o naa li pundi ban kpa o.›#Ñam 20.12; 21.17; Tia 5.16; Lef 20.9 5Ama yinba, yi yedi ke o nilo yaa yedi o baa, yaaka o naa, ke wan den baa todi ba leni yaala tie yaa paabu n gagidi U Tienu po. 6Yeni yi bolini U Tienu maama ki nan kubi yi bogida. 7Yinba pala lie danba na, *Esayi n den pua sawali yipo yaala na po tie moamoani:
8‹Bi naa niba jigindi nni leni bi ñoacuuna,
Ama bi pala foagi leni nni.#Esa 29.13
9Bi jaandi nni fanma fanma
Kelima bi bangi yaa bangima,
N tie bi nisaaliba yaa mabilikaama bebe.› »
Yaala n joagindi o nisaalo
(Mak 7.14-23)
10Jesu den yini ku niligu ke ku nagini o kani ke o yedi ba: 11«Cengi mani ki gbadi. Laa tie yaala n kua bu ñoabu nni ka *joagini o nisaalo, yaala n ña bu ñoabu nni n joagini o.»
12Li yaa puoli o ŋoadikaaba den nagini o kani ki yedi o: «A bani ke ŋan maadi yaa maama yeni tie Falisieninba po tingbali bonla?» 13O den goa ki yedi ba: «N Baa yua n ye tanpoli n kaa ŋu yaa tibu kuli, bi baa ŋabi bu. 14Cedi ba mani, bi tie yaa juama n dia a juama. Juamo yaa dadi juamo mo, bani bilie kuli n baa baa ku buogu nni.»#Luk 6.39
15Pieli den yedi o: «A kan bundi tipo mi kpanjama yeni?» 16Jesu den yedi o: «Yi moko yii pia yanfuoma yoo? 17Yii bani ke yaala n kua bu ñoabu nni kuli caa ku tugu nni ki go baa ña kaa? 18Ama yaala n ña bu ñoabu nni tie yaala n bi ye li pali nne ki di ñani, lani n joagini o nisaalo.#Mat 12.34 19Kelima ti yanmaalibiadi leni mi kukpama leni mi *conconma buoli kuli leni bu subu leni mi siedi faama leni ti sugidi kuli ña li pali nne. 20Lani n tie yaala n joagini o. Ama ki je kaa nidi kan joagini o nisaalo.»
Kanana buolu pua dandanli
(Mak 7.24-30)
21Jesu den fii ki ñani lankani ki gedi Tili leni Sidoni tinkundogi. 22Yaa pua n den tie likani maabiga, ki tie Kanana yua, den cua o kani ki kpaani ki tua: «O Diedo, Dafidi Bijua, gbadi npo mi niñima? Ki cicibiadiga ye n bisalo niinni ki yagini o yama hali ke li bia.» 23Jesu naa den goa ki yedi o liba kuli. O ŋoadikaaba den nagini o kani ki yedi o: «A kan cabi o, kelima o ŋua ki kpaani ti puoli.» 24Jesu den goa ki yedi: «Baa den soani nni nitoaba po se Isalele buolu yaaba po, bani yaaba n tie nani yaa pe n yaadi yeni po.» 25Ama o pua yeni den cua Jesu kani ki gbaani o nintuali ki yedi: «O Diedo, todi nni.» 26Jesu den goa ki yedi o: «Laa tiegi o nilo n taa a bila#15.26 Jufinba den nua bi yula ke bi tie U Tienu bila, ki nua yaa buoli n sieni kuli ke bi tie nani i sangbanli yeni. jiema ki lu a sangbanbila.» 27O pua den yedi: «Yeni de, n Diedo, die a sangbanbila yen di yaa jejoagidi n baali bi danba saajekaanu kani.» 28Jesu den yedi o: «Pua, a *dandanli yaba boncianla. Lan tieni apo nani ŋan bua maama.» Lanyogunu o bisalo den paagi.
Jesu paagi bi niba boncianla
(Mak 7.37)
29Jesu den fii ki ñani lankani ki baali *Galile ñincianma. O den doni ki kali li juali po. 30Ku niligu den cua o kani boncianla, ki kpendinni a diama leni a juama leni a muula leni a woma leni a tadima leni yiantoana boncianla. Bi den cua ki duani ba Jesu taana kani ke o paagi ba. 31Ku niligu n den laa ke a muula maadi, ke a tadima paagi, ke a diama cuoni, ke a juama mo noadi, li den paki ba ke bi kpiagi Isalele yaaba Tienu.
Jesu dini niba tudanaa
(Mak 8.1-10)
32Jesu den yini o ŋoadikaaba ki yedi: «Mi niñima cuo nni ku naa niligu po, kelima dana taa nna ke bi ye n kani, baa go pia ban baa je yaala. Mii bua ki cabi ba leni mi koma, ban da ti gbali u sanu nni.» 33O ŋoadikaaba den yedi o: «Ti baa tieni lede li naa fuali nni ki baa yaa jiema n baa guoni ku naa niligu kuli?» 34Jesu den yedi ba: «Yi pia dupen bonba ŋa yo?» Bi den goa ki yedi o: «Bonba lele leni janbimuba.» 35Lani o den teni ke ku niligu kakali tiipo. 36O den taa bi dupenleleediba leni i jami ki jaandi, ki cabidicabidi ki teni o ŋoadikaaba ke bi boagidi ku niligu. 37Bikuli den dini ki guo. Bi den wodi yaa boncaba n sieni, ki gbieni baabuociandi lele. 38Yaaba n den dini den pundi jaba tudanaa (4 000), kaa taani bi puoba leni a bila.
39Li yaa puoli Jesu den cabi ku niligu, ki kua ku ñinbiagu nni ki gedi Magadana tinga nni.
Falisieninba leni Sadusieninba mia mi bancianma
(Mak 8.11-13; Luk 12.54-56)
Obecnie wybrane:
MATIYU 15: GUX03
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Gulmancema Bible © Bible Society of Burkina Faso, 2003.