Shitatiko 6
6
Wubi wa bantu
1 #
Yobo 1:6; 2:1. Bantu oho bahanyine hano hanci na bana babambuyama bahemuwile. 2Bana ba Nyambi babalume#6:2 Mangeloyi baya bawile hinge ngayi bana ba Nyambi babalume. bamonene ngayi bana ba bantu babambuyama bengile babawahe, pe bayekele bamo kunaba balihatilile. 3Niho Nyambi ya Ngula ambile ngayi, “Nifwako kuketabilisha bantu kuyoya mwaya myaka, ndaba bantu ba kufwa. Kufuma hano kutwala kumbili kowa muntu ukayoyanga myaka kupitakana 120.” 4#Kul 13:33. Ha matena ayo hinge kumbili, oho bana ba Nyambi babalume bayekele bana ba bantu babambuyama babelekele nabo bana, pe baya bazukulu bengile malengwalengwa. Bengile bantu bangovu na mpupo ha shikati shiyo.
5 #
Mat 24:37; Luka 17:26; 1Pita 3:20. Nyambi ya Ngula wamonene ngayi bantu nimwabo eshe banabipi hano hanci naneshe kami bihanganiko byabibi binenzala mu mitima yabo. 6Nyambi ya Ngula walibelwile oho alengele bantu na kubayaka hano hanci, kami waliyuvwile wunginga mukati ka mutima wendi. 7Niho ambile ngayi, “Nikalobesha bantu nimwabo aba nalengele, nikalobesha kami na tuyamana nimwato na byuma bya kulikoka na mavumo hanci na tuyoni nimwato, ndaba ngayi nalihepe aha nabilengele.” 8Ngoboni Nyambi ya Ngula wawahililile na Nowa.
Nowa
9 #
2Pita 2:5. Eshe nisho shihemunwino sha Nowa. Nowa wengile muntu wakulunga, wakubula nyanco mushihemunwino shendi, wayoyele mu kulilumikila na Nyambi. 10Nowa wekalile na bana babalume bahatu, Shemu, Hamu na Yafweti. 11Ngoboni bantu nimwabo bengile bababi ku meho a Nyambi ndele tuhu Nowa. Wubi wabo kami wapanzanine nimwako. 12Nyambi oho atilaminine hano hanci, wamonene ngayi hanabipi, ndaba bantu nimwabo bayoyelenga nyoyelo yayibi.
13Pe Nyambi wambile kuli Nowa ngayi, “Nahanganiki kumanisha bantu nimwabo, nikabalobesha nimwabo, ndaba hano hanci hanenzala na mishunga yabo ya milimo yayibi. 14Litendele wato wawunene ha maleenge a mutondo wa Shipulashi, tendamo tumpenci mukati na kulamba mukati na ha munkanda na lingongwe. 15Uwutende wa mamita 133 mu wutali na mamita 22 muwipi na mamita 13 mu mwimo. 16Utende shiluli#6:16Shiluli: Hinge limpananga. sha ha wato na ku shiya mwanya wa shitika sha mita yimo mukati ka shiluli na wato. Ukatendemo tumpenci twa kulishampika tuhatu, pe ukayakile shipana hambili. 17Mona, nikaleta libazi lyalinene hano hanci mu kulobesha byuma nimwabyo bya kuyoya. Byuma nimwabyo bya kuyoya bikaloba, 18ngoboni nikalimama na nobe. Ukengina mu wato na mukazobe na bana bobe na bakazabo. 19Kami ukengize mu wato kayamana wa nkunzi na shitole ku mishobo nimwayo ya tuyamana mwanga bikapuluke. 20Pe kami ukengize mu wato ku tuyoni likombwe na nkazikuku na bya kulikoka na mavumo hanci, ku mishobo nimwayo ngayi mwanga bikapuluke. 21Shimba byakulya bya mishobo nimwayo, byobe nanebye byabo.” 22#Bah 11:7. Nowa watendele byuma nimwabyo ngonehe eshe amutongwezele Nyambi.
Obecnie wybrane:
Shitatiko 6: LLK
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Libuka Lya Kuyela © Bible Society of Zambia, 2020.
Shitatiko 6
6
Wubi wa bantu
1 #
Yobo 1:6; 2:1. Bantu oho bahanyine hano hanci na bana babambuyama bahemuwile. 2Bana ba Nyambi babalume#6:2 Mangeloyi baya bawile hinge ngayi bana ba Nyambi babalume. bamonene ngayi bana ba bantu babambuyama bengile babawahe, pe bayekele bamo kunaba balihatilile. 3Niho Nyambi ya Ngula ambile ngayi, “Nifwako kuketabilisha bantu kuyoya mwaya myaka, ndaba bantu ba kufwa. Kufuma hano kutwala kumbili kowa muntu ukayoyanga myaka kupitakana 120.” 4#Kul 13:33. Ha matena ayo hinge kumbili, oho bana ba Nyambi babalume bayekele bana ba bantu babambuyama babelekele nabo bana, pe baya bazukulu bengile malengwalengwa. Bengile bantu bangovu na mpupo ha shikati shiyo.
5 #
Mat 24:37; Luka 17:26; 1Pita 3:20. Nyambi ya Ngula wamonene ngayi bantu nimwabo eshe banabipi hano hanci naneshe kami bihanganiko byabibi binenzala mu mitima yabo. 6Nyambi ya Ngula walibelwile oho alengele bantu na kubayaka hano hanci, kami waliyuvwile wunginga mukati ka mutima wendi. 7Niho ambile ngayi, “Nikalobesha bantu nimwabo aba nalengele, nikalobesha kami na tuyamana nimwato na byuma bya kulikoka na mavumo hanci na tuyoni nimwato, ndaba ngayi nalihepe aha nabilengele.” 8Ngoboni Nyambi ya Ngula wawahililile na Nowa.
Nowa
9 #
2Pita 2:5. Eshe nisho shihemunwino sha Nowa. Nowa wengile muntu wakulunga, wakubula nyanco mushihemunwino shendi, wayoyele mu kulilumikila na Nyambi. 10Nowa wekalile na bana babalume bahatu, Shemu, Hamu na Yafweti. 11Ngoboni bantu nimwabo bengile bababi ku meho a Nyambi ndele tuhu Nowa. Wubi wabo kami wapanzanine nimwako. 12Nyambi oho atilaminine hano hanci, wamonene ngayi hanabipi, ndaba bantu nimwabo bayoyelenga nyoyelo yayibi.
13Pe Nyambi wambile kuli Nowa ngayi, “Nahanganiki kumanisha bantu nimwabo, nikabalobesha nimwabo, ndaba hano hanci hanenzala na mishunga yabo ya milimo yayibi. 14Litendele wato wawunene ha maleenge a mutondo wa Shipulashi, tendamo tumpenci mukati na kulamba mukati na ha munkanda na lingongwe. 15Uwutende wa mamita 133 mu wutali na mamita 22 muwipi na mamita 13 mu mwimo. 16Utende shiluli#6:16Shiluli: Hinge limpananga. sha ha wato na ku shiya mwanya wa shitika sha mita yimo mukati ka shiluli na wato. Ukatendemo tumpenci twa kulishampika tuhatu, pe ukayakile shipana hambili. 17Mona, nikaleta libazi lyalinene hano hanci mu kulobesha byuma nimwabyo bya kuyoya. Byuma nimwabyo bya kuyoya bikaloba, 18ngoboni nikalimama na nobe. Ukengina mu wato na mukazobe na bana bobe na bakazabo. 19Kami ukengize mu wato kayamana wa nkunzi na shitole ku mishobo nimwayo ya tuyamana mwanga bikapuluke. 20Pe kami ukengize mu wato ku tuyoni likombwe na nkazikuku na bya kulikoka na mavumo hanci, ku mishobo nimwayo ngayi mwanga bikapuluke. 21Shimba byakulya bya mishobo nimwayo, byobe nanebye byabo.” 22#Bah 11:7. Nowa watendele byuma nimwabyo ngonehe eshe amutongwezele Nyambi.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Libuka Lya Kuyela © Bible Society of Zambia, 2020.