Shitatiko 7
7
Libazi lyalinene
1Nyambi ya Ngula wambile kuli Nowa ngayi, “Ingina mu wato na ba lupashi lwobe nimwabo, ndaba obe tuhu na wana kwinga wakulunga hano hanci nimwaho. 2Shimbenu kutuyamana ka ndumewa naka nkaziwa mutanu na tubili kutuya twaliwanga,#7:2Shimbenu kutuyamana: Tuyamana ba kuyela baya mu kutwesha kukombelela kuli Nyambi ya Ngula. ngoboni shimbenu umo kutuyamana twa kubula kuliwa ka nkunzi na shitole. 3Shimbenu kami na ku tuyoni ka likombwe na nkazikuku mutanu na tubili, nisho utenda kami ku mishobo nimwayo ya tuyamana na tuyoni ngayi mwanga bikapuluke pe bikahemunune hano hanci. 4Munyima ya matena mutanu na abili, pe nikalokesha mvula mu matena makumi anaa na zinciku za makumi anaa, ngayi mwanga nilobeshe biya nimwabyo bya kuyoya biya na lengele.” 5Pe Nowa watendele byuma nimwabyo biya Nyambi ya Ngula amutongwezele.
6Nowa wekalile na myaka 600 oho libazi lyalinene lyezile hano hanci. 7#Mat 24:38-39; Luka 17:27. Nowa na mukazendi na bana bendi na bakazabo benginine mu wato kutina libazi lyalinene. 8Tuyamana twa bankunzi na bitole nimwato twa mishoboshobo na tuyoni nimwato twa kuliwa na twa kubula kuliwa, 9Nowa wenginine hamo nabyo mu wato, ngonehe eshe Nyambi amutongwezele. 10Oho kwapitile matena mutanu na abili libazi lyalinene lyezile hano hanci.
11 #
2Pita 3:6. Oho Nowa ekalile na myaka 600, ha 17 mu ngonda ya wubili mu mwaka, mashima nimwawo a kunonka amanene aku nceto ya limvu atabukile na mampananga nimwawo a muyilu ashinkulukile na kututwisha mema. 12Pe mvula walokele matena makumi anaa wushiku na mwaana. 13Ha mutena uyabene Nowa na mukazendi benginine mu wato, hamo na bana babo babalume Shemu na Hamu na Yafweti na bakazabo. 14Benginine mu wato hamo na byuma nimwabyo bya kuyoya, tuyamana nimwato twa bankunzi na bitole na bya kulikoka hanci na mavumo na mishobo nimwayo ya tuyoni. 15Nowa wenginine mu wato hamo na mishobo nimwayo ya tuyamana na tuyoni babili babili, twa balume na twa bakazi, 16ngonehe amutongwezele Nyambi. Niho Nyambi ya Ngula ashinkile shihala.
17Libazi lyatwalilileho matena makumi anaa, pe mema akatukile ngayi wato utweshe ku timboka. 18Mema avulile shikuma na kunonka, pe wato watimbokele hayilu ya mema. 19Mema avulile shikuma niho akupwile na mapili nimwawo. 20Pe mema atwalilileho kuvula noho engile mamita mutanu na abili mu kunonka kufuma hayilu ya mapili. 21Bya kuyoya nimwabyo bya hano hanci byafwile, tuyoni na bimuna, tuyamana bamu lishaka na bya kutuka tuka na bantu nimwabo. 22Bya kuyoya nimwabyo bya hano hanci byafwile. 23Nyambi ya Ngula walobeshele nimwabyo bya hano hanci, bantu na tuyamana, biya bya kulikoka hanci na mavumo na tuyoni, ndele tuhu Nowa na lupashi lwendi. 24Mema ekalile hano hanci kwakubula kuyuma shawangu hantu matena 150.
Obecnie wybrane:
Shitatiko 7: LLK
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Libuka Lya Kuyela © Bible Society of Zambia, 2020.
Shitatiko 7
7
Libazi lyalinene
1Nyambi ya Ngula wambile kuli Nowa ngayi, “Ingina mu wato na ba lupashi lwobe nimwabo, ndaba obe tuhu na wana kwinga wakulunga hano hanci nimwaho. 2Shimbenu kutuyamana ka ndumewa naka nkaziwa mutanu na tubili kutuya twaliwanga,#7:2Shimbenu kutuyamana: Tuyamana ba kuyela baya mu kutwesha kukombelela kuli Nyambi ya Ngula. ngoboni shimbenu umo kutuyamana twa kubula kuliwa ka nkunzi na shitole. 3Shimbenu kami na ku tuyoni ka likombwe na nkazikuku mutanu na tubili, nisho utenda kami ku mishobo nimwayo ya tuyamana na tuyoni ngayi mwanga bikapuluke pe bikahemunune hano hanci. 4Munyima ya matena mutanu na abili, pe nikalokesha mvula mu matena makumi anaa na zinciku za makumi anaa, ngayi mwanga nilobeshe biya nimwabyo bya kuyoya biya na lengele.” 5Pe Nowa watendele byuma nimwabyo biya Nyambi ya Ngula amutongwezele.
6Nowa wekalile na myaka 600 oho libazi lyalinene lyezile hano hanci. 7#Mat 24:38-39; Luka 17:27. Nowa na mukazendi na bana bendi na bakazabo benginine mu wato kutina libazi lyalinene. 8Tuyamana twa bankunzi na bitole nimwato twa mishoboshobo na tuyoni nimwato twa kuliwa na twa kubula kuliwa, 9Nowa wenginine hamo nabyo mu wato, ngonehe eshe Nyambi amutongwezele. 10Oho kwapitile matena mutanu na abili libazi lyalinene lyezile hano hanci.
11 #
2Pita 3:6. Oho Nowa ekalile na myaka 600, ha 17 mu ngonda ya wubili mu mwaka, mashima nimwawo a kunonka amanene aku nceto ya limvu atabukile na mampananga nimwawo a muyilu ashinkulukile na kututwisha mema. 12Pe mvula walokele matena makumi anaa wushiku na mwaana. 13Ha mutena uyabene Nowa na mukazendi benginine mu wato, hamo na bana babo babalume Shemu na Hamu na Yafweti na bakazabo. 14Benginine mu wato hamo na byuma nimwabyo bya kuyoya, tuyamana nimwato twa bankunzi na bitole na bya kulikoka hanci na mavumo na mishobo nimwayo ya tuyoni. 15Nowa wenginine mu wato hamo na mishobo nimwayo ya tuyamana na tuyoni babili babili, twa balume na twa bakazi, 16ngonehe amutongwezele Nyambi. Niho Nyambi ya Ngula ashinkile shihala.
17Libazi lyatwalilileho matena makumi anaa, pe mema akatukile ngayi wato utweshe ku timboka. 18Mema avulile shikuma na kunonka, pe wato watimbokele hayilu ya mema. 19Mema avulile shikuma niho akupwile na mapili nimwawo. 20Pe mema atwalilileho kuvula noho engile mamita mutanu na abili mu kunonka kufuma hayilu ya mapili. 21Bya kuyoya nimwabyo bya hano hanci byafwile, tuyoni na bimuna, tuyamana bamu lishaka na bya kutuka tuka na bantu nimwabo. 22Bya kuyoya nimwabyo bya hano hanci byafwile. 23Nyambi ya Ngula walobeshele nimwabyo bya hano hanci, bantu na tuyamana, biya bya kulikoka hanci na mavumo na tuyoni, ndele tuhu Nowa na lupashi lwendi. 24Mema ekalile hano hanci kwakubula kuyuma shawangu hantu matena 150.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Libuka Lya Kuyela © Bible Society of Zambia, 2020.