IIMU/UUNGW Alki/ituú niiná daanduú kitaábuuwihe
Alki/ituú niiná daanduú kitaábuuwihe
Baraá kitaábuuwú Iimu/uungo muruú yaariír kwa gooín. Muruuwí a adór: Iimu/úngw doori, nee oo yaamu, nee oo xaai, nee oo makaay nee iimu/úngw slafíngw heewo.
Baraá kitaábuuwihe Mungú tina dír múkwií geehhooeés.
Tlakweemaadá' hee aa tleéhh awa geera, kudá' hee ngwaa dahaasiye' baraá amotlakwe, tam ilaadá' hho' awa hee nee Mungú niri gwaaiyé' kaa gooín sleeme. Baraakae sleeme loohidá' Mungú aa tleéhh as hee nguwa tu/i baraá slahh'amuudá' naa huúw ar tlakweemaawós kaa gooín. Alqadu tsiyáhh awa Mungú aa tleéhh nee muu kaa baraá kitaábuuwí gooín.
Alqadór taa baraá asalmoó Edenír wa tleéhh,
Alqadór taa tleéhh nee Adam,
Alqadór taa tleéhh nee Noa,
Alqadór taa tleéhh nee Abrahamu.
Baraá Alqadór /Abene Yesu gooír kitaábuuwí gana ar axweés baraá intsaahhatisarose adór:
Mat 19:4-6; 24:37-39; Marko 10:4-9; Luka 11:49-51; 17:26-29,32;
Yoh 7:21-23; 8:44,56, nee wa/ángw hatlá' sleeme.
Digir wakeetíngw kitaábuuwí:
Mungú doori nee yaamu nee muko ngiwa tleéhh 1:1—2:25
Iimu/úngw tlakweema nee slahh'amu 3:1-24
Iimír Adamuú wa tleemu ay Noa 4:1—5:32
Noa nee tluwoó da/atén 6:1—10:32
Doó gáwtí tleér oo Babuloni 11:1-9
Iimír Shemú wa tleemu ay Abramu 11:10-32
Bariise: Abrahamu, Isaka nee Yakobo 12:1—35:29
Na/aá Esau 36:1-43
Yosefu nee hhaeewós 37:1—45:28
Xoorór Israeli iwa baraá yaamaá Misri 46:1—50:26
Obecnie wybrane:
IIMU/UUNGW Alki/ituú niiná daanduú kitaábuuwihe: IRQW
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
The Bible in Iraqw © Bible Society of Tanzania, 2004.