Zaã Da yiri-a ǹ boo
Da yiri-a ǹ boo
ZAÃ boo tii kɔɔ̃n mɛn kiɛ̃, bɛ n Yezu nyɛɛ wɔ nɛ, mà Lawa a boo ne á n din baa minbuiin nɛ lɛa á daa kanaa. A n nyɛɛ wɔ nɛ mà minin kirisibaali mɛn boo nə n da Zuifun manɛ, mà a din Lawa a nɛ Yezu lɛ nɛ. Sɛnɛ, boon mɛnɛn bɛ́ a nɛ, bɛn man nə́ ǹ kiɛ̃ màn mɛn bɛ́ toɛ, ka waa la mà Yezu n Minin Nyin-sili lɛa, Lawa a Nɛgiĩ ni, ka bɛ dɔ nɛ, bɛ̀ ká waa la ka nyin nyabaã yɛ ka a din tɔ nɛ. (20.31)
Sɛ́wɔ kɛ nɛ, Yezu n boo diɛ a din wɔ paǹ li ka boo duriin ni: Man zii lɛa sonbore lɛa ka yiikoonaabaa nɛ. Man yiikoonaabaa ǹ buuru lɛa, tɔɔn-lɛduə̃li sonbore lɛa, man mu lɛa mu boro nyɛɛ, man kanaa a wɔlɔ fúlu lɛa.
Yezu nə n gɔn waa a gialandɛnan manɛ ka yɔrɔ mɛn nɛ, a gɛ̀ laanka a yii-kaa wɔ paǹ li a da yaa a biikoo ná a tɔn dɔ wa, a ǹ doroo ka boon mɛnɛn nɛ ǹ tá kanaa mìi wɔ gɔn la, bɛ yii tumaa tá kiɛ̃ nɛ sɛ́wɔ lɛ nɛ.
Bɛ kio, ǹ nə́ kũ, ǹ nə́ kiri wɔ a ganaa, ǹ nə́ dere gɔn ganaa, á gã. A yii kaa á n bɔ geren bii. A n din nyaa a kialandɛnan nɛ á boo mɛn da ǹ nɛ, sɛ́wɔ kɛ n bɛ pii wɔ nɛ a giala nyɔmɔɔ ǹ bǎã nɛ.
Sɛ́wɔ lɛ n nyɛɛ wɔ nɛ mà nyin nyabaã n yii Krita dinsɔɔ̃ barka nɛ. Bɛ lɛ nɛ, min woo min lɛ kɔ Yezu ganaa, bɛa dɛnaa n nyin nyabaã yii.
Sɛ́wɔ lɛ a boo mìi dadaran:
Giala kɔ ǹ boo, 1.1-18
ZAÃ laanka Yezu a kialandɛnaa bibinaa boo, 1.19-51
Yezu a nya ǹ dí, 2.1—12.50
Yezu a gɛ̀ boo Zeruzalɛmu 13—19
Yezu yii kaa á n din nyaa a kialanadɛnan manɛ, 20.1-31
Yezu nə n din nyɛɛ Galilee, 21.1-25.
Obecnie wybrane:
Zaã Da yiri-a ǹ boo: SCE2013
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
San Catholic Edition Bible © Bible Society of Burkina Faso, 2013.