Matyo MBIꞋNƏ
MBIꞋNƏ
Nkən wu shiʼnɨ a ŋwaʼnɨ Matyo fɨʼtɨ nkən wu shiʼnɨ ngə́ Yeso nɨ Ndoŋ wa Ŋwi a káʼnɨ́ ɨ ghɨ tsagɨ lá. Ɨ fɨʼtə ngə́ a ntsǎ a ndzum wɛrə, Ŋwi a ghɨ́ ɨkaʼ tsa zɨə káʼnɨ́ ɨbɛn ɨbyi ɨwu a mu Mɨkan wu Ndvuŋ fu a nye nkənu ə. Ka nkən wu shiʼnɨ məwen tsi ayi lá tsɛʼ a mbó bə Yuda, bo ba bɨ jwínɨ́ a Yeso, a kɨ ntsi ntsi mbyi ɨzhi a tɨtərɨ bo, lá ɨ tsi be a mbó mbyi tsum ə.
Bɨ ŋwaʼnɨ aŋwaʼnɨ a Matyo tsɛʼ a nɨyerɨ nɨyerɨ ə. A biʼnɨ nɨ adzaŋ za bɨ jwínɨ́ a Yeso, ntiʼ fɨʼtɨ adzaŋ za wɛrə a kwárɨ́nɨ́ nkyi abɔʼnɨ adzaŋ za bɨ kwáʼnɨ́nɨ́ ayi ɛ. Ntiʼ mbyɛntɨ afaʼ a wɛrə zə sǒŋ Nkən wu Shiʼnɨ, ndiʼə nɨ ntsuʼ ɨbɛn a Galili ə. Ndo ɨwu, Nkən wu Shiʼnɨ wiŋ ŋwaʼnɨ adzaŋ za Yeso a ghɨ́nɨ́ nɨyen ndo a Galili ngɛn kuʼ a Yerosalɛm abɔʼnɨ ɨnu tsa tsɨ fúnɨ́ a nye ntsɨrɨndzum ngabɨ ɨzhi atuəshe, mbáʼ tsɨ tíʼnɨ́ ndwɨgɨnɨ nɨ nɨvwo ɨni atɨ abaŋnɨ-baŋnɨ abɔʼnɨ nzhwemnɨ ɨzhi a mbó nɨvwo lá.
Ɨtú Ɨnu a mu Aŋwaʼnɨ Ziŋ ə
Ɨlə̌ ndá Yeso Kristo nɨ adzaŋ za bɨ jwínɨ́ ayi ɛ 1:1–2:23
Afaʼ a Yoane Ngaŋ Nga Nkyi 3:1-12
Adzaŋ za Yeso a kwárɨ́nɨ́ nkyi, bɨ kɨ nkwaʼnɨ ayi ɛ 3:13–4:11
Afaʼ a Yeso a Galili asaŋəsaŋə 4:12–18:35
A ndǒ a Galili ɨ ghɛn kuʼ a Yerosalɛm ə 19:1–20:34
Ntsɨrɨndzum ngabɨ ɨzhi a Yerosalɛm abɔʼnɨ kárɨ́kɨ́ ɨyi ɛ 21:1–27:66
Nzhwemnɨ Maʼmbyí nɨ adzaŋ za wɛrə a kɨ́nə́ fúə a ɨshe ə 28:1-20
Obecnie wybrane:
Matyo MBIꞋNƏ: MNT
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2023, CABTAL