ملاکی ۴
۴
خوداوندٚ دأوری روجٚ فأرٚسِئن
1 یهوه صبایوت فرمأیه: «دأوری روج ایتأ شوأله فأکشه تنورٚ مأنستَن فأرٚسِه و همٚتأ شرورٚ آدمأن و پورایدعأیأنَ، کأه کولوشٚ مأنستَن سوجأنِه. اوشأن دأرٚ مأنستَن تأ ریشه سوجٚده و خأکیستر بٚده.
2 «ولی شِمِره کی شیمی دیلٚ میأن می ترسَ دأریدی، عیدألتٚ آفتأب خو شفأبخشٚ سوسو اَمرأ بوجؤر اَیِه و شومأن خوشأل و رأحت او مَنده‌یأنٚ مأنستَن کی شٚده چرأگأ، وأز وأز کونیدی 3 و یهوه صبایوت گه: او روجٚ میأن کی من موشخص بوکودم، شرورٚ آدمأنَ خأکیسترٚ مأنستَن شیمی پأ جیر لقد دٚمٚج کونیدی.
4 «می دستورأن و قأنونأنَ کی سینأ کوه جؤر می خیدمتگوزأر موسا اَمرأ تومأمٚ ایسرأییلٚ قومَ فأدأم خأطر بٚدأرید و جٚه اوشأن ایطأعت بوکونید.
5 «پیشتر جٚه اونکی خوداوندٚ دأوری وأشتنأک و پیله روج فأرٚسه، من، ایلیایٚ پیغمبرَ شِمِره اوسه کونٚم. 6 اون پِئرأنٚ دیلَ زأکأنٚ ور و زأکأنٚ دیلَ پِئرأنٚ ور وأگردأنِه و اَن بأعیث بِه کی من شیمی سرزیمینَ ویرأنَ نوکونٚم.»
Obecnie wybrane:
ملاکی ۴: GCB
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
The Gilaki Contemporary Bible is a Product of Transform Iran © 2024. All rights reserved. www.kelisayejame.org