Yao (chi-): Yao (chi-) Bible Bible without Deuterocanon

Chiyawo Bible

<div class="version vid1437 iso6393yao" data-vid="1437" data-iso6393="yao">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="s">Cikumba ca mesi</div><div class="p"> 1AMBUJE* ni &#373;amsalile Nowa kuti, &#8220;Jinjilani m'combo pamo ni li&#373;asa lyenu lyosope. Une simene kuti m'mwejope ni &#373;amkutenda yindu yagoloka pa cilambo capasi. 2Mjigale makuga msano ni ga&#373;ili ga yinyama, yi&#373;e yi&#373;iliyi&#373;ili, ya mkolo ni ya mkambako yaku&#373;ajilwa kuyitaga mbopesi, ni mjigale soni yinyama yi&#373;iliyi&#373;ili, yamkolo ni yamkambako yanga&#373;ajilwa kuyitaga mbopesi. 3Mjigale soni yijuni yi&#373;ili yi&#373;ili ya mtundu uliwose. Mtende yeleyi pakusosa kuti mtundu uliwose wa yinyama ni yijuni ya mitundu josope yisunjidwe ni umi, kuti tiyi&#373;elekane soni pa cilambo capasi. 4Patigapite masiku msano ni ga&#373;ili tindumisye ula pa cilambo capasi jitijidwe musi ni cilo kwa masiku 40. Cindu cilicose ca umi cinapanganyisye tinjicityosya pa cilambo capasi.&#8221; 5Nowa &#373;atesile yosope yi&#373;amlamwile AMBUJE.</div><div class="p"> 6Nowa &#373;akwete yaka 600 pacayikaga cikumba ca mesi pa cilambo capasi. 7Nowa ni &#373;amkwakwe, &#373;anace &#373;akwe &#373;acalume ni aci&#373;amkwawo &#373;ajinjile m'combo cila kuti akulupuce ku cikumba ca mesico.#Mat 24:38-39; Luk 17:27 8Nyama syaku&#373;ajilwa kutajidwa mbopesi ni syanga&#373;ajilwa kutajikwa mbopesi, yijuni pamo ni yakwa&#373;a yi&#373;ili yi&#373;ili, 9yajinjile m'combomo pamo ni Nowa mpela mu&#373;alamulile Mlungu. 10Gali gapite masiku msano ni ga&#373;ili, cikumba ca mesi cayice pa cilambo capasi.</div><div class="p"> 11Pa lisiku lya 17 lya mwesi wa&#373;ili, Nowa ali ni yaka 600, mesi ga uli&#373;a gawulice kutyocela pasi pa cilambo, kwinani kwawugwice kuti mesi gakusuce.#2 Pet 3:6 12Myoyo ula jagwile cilo ni musi kwa masiku 40. 13Lisiku lilyolyo Nowa ni &#373;amkwakwe, &#373;anace &#373;awo &#373;acalume Shemu, Hamu ni Yafeti, ni aci&#373;amkwawo &#373;ajinjile m'combo mula. 14Jemanjajo &#373;ajinjile m'combo pamo ni mtundu uliwose wa yinyama yamwitinji, ya kulanga, yinyama ya kukwa&#373;a, ni yijuni yamtundu uliwose. 15Nowa &#373;ajinjile m'combomo pamo ni ya umi yosope, ya mkolo ni ya mkambako, 16mpela mu&#373;alamulile Mlungu, nipo ali ajinjile AMBUJE &#373;awugele mlango wa comboco.</div><div class="p"> 17Cikumba ca mesi cakukwime pa cilambo kwa masiku 40. Mesi gatupile kwejinji pa cilambo capasi, mwakuti combo cayikene mwakujaja&#373;ala pacanya pa mesi. 18Mesi gapundile kutupa pa cilambo capasi, comboco caliji mkujaja&#373;ala pacanya pa mesigo. 19Mesi gatupile mpaka gati&#373;isye songa sya matumbi gamalewu mnope. 20Myoyo mesigo galiji mkwelelakwelela, mpaka kusipeleta songa sya matumbigo ni mamita msano ni ga&#373;ili. 21Yindu yosope ya umi pa cilambo capasi yawile, mpela yijuni yiliyose, yinyama yiliyose ni &#373;andu wosope, 22cindu cilicose cakupumula ca pa cilambo cawile. 23Mlungu &#373;ayijonasile ya umi yosope ya pa cilambo capasi: &#373;andu, yinyama ni yijuni. Nowa ni wosope &#373;i&#373;aliji m'combo ni &#373;i&#373;akulupwice. 24Mesi galiji ci&#373;ela gamajinji pa cilambo capasi kwa masiku 150.</div>
 </div>
 </div>
</div>

AMBUJE* ni ŵamsalile Nowa kuti, “Jinjilani m'combo pamo ni liŵasa lyenu lyosope. Une simene kuti m'mwejope ni ŵamkutenda yindu yagoloka pa cilambo capasi. Mjigale makuga msano ni gaŵili ga yinyama, yiŵe yiŵiliyiŵili, ya mkolo ni ya mkambako yakuŵajilwa kuyitaga mbopesi, ni mjigale soni yinyama yiŵiliyiŵili, yamkolo ni yamkambako yangaŵajilwa kuyitaga mbopesi. Mjigale soni yijuni yiŵili yiŵili ya mtundu uliwose. Mtende yeleyi pakusosa kuti mtundu uliwose wa yinyama ni yijuni ya mitundu josope yisunjidwe ni umi, kuti tiyiŵelekane soni pa cilambo capasi. Patigapite masiku msano ni gaŵili tindumisye ula pa cilambo capasi jitijidwe musi ni cilo kwa masiku 40. Cindu cilicose ca umi cinapanganyisye tinjicityosya pa cilambo capasi.” Nowa ŵatesile yosope yiŵamlamwile AMBUJE.
Nowa ŵakwete yaka 600 pacayikaga cikumba ca mesi pa cilambo capasi. Nowa ni ŵamkwakwe, ŵanace ŵakwe ŵacalume ni aciŵamkwawo ŵajinjile m'combo cila kuti akulupuce ku cikumba ca mesico. Nyama syakuŵajilwa kutajidwa mbopesi ni syangaŵajilwa kutajikwa mbopesi, yijuni pamo ni yakwaŵa yiŵili yiŵili, yajinjile m'combomo pamo ni Nowa mpela muŵalamulile Mlungu. Gali gapite masiku msano ni gaŵili, cikumba ca mesi cayice pa cilambo capasi.
Pa lisiku lya 17 lya mwesi waŵili, Nowa ali ni yaka 600, mesi ga uliŵa gawulice kutyocela pasi pa cilambo, kwinani kwawugwice kuti mesi gakusuce. Myoyo ula jagwile cilo ni musi kwa masiku 40. Lisiku lilyolyo Nowa ni ŵamkwakwe, ŵanace ŵawo ŵacalume Shemu, Hamu ni Yafeti, ni aciŵamkwawo ŵajinjile m'combo mula. Jemanjajo ŵajinjile m'combo pamo ni mtundu uliwose wa yinyama yamwitinji, ya kulanga, yinyama ya kukwaŵa, ni yijuni yamtundu uliwose. Nowa ŵajinjile m'combomo pamo ni ya umi yosope, ya mkolo ni ya mkambako, mpela muŵalamulile Mlungu, nipo ali ajinjile AMBUJE ŵawugele mlango wa comboco.
Cikumba ca mesi cakukwime pa cilambo kwa masiku 40. Mesi gatupile kwejinji pa cilambo capasi, mwakuti combo cayikene mwakujajaŵala pacanya pa mesi. Mesi gapundile kutupa pa cilambo capasi, comboco caliji mkujajaŵala pacanya pa mesigo. Mesi gatupile mpaka gatiŵisye songa sya matumbi gamalewu mnope. Myoyo mesigo galiji mkwelelakwelela, mpaka kusipeleta songa sya matumbigo ni mamita msano ni gaŵili. Yindu yosope ya umi pa cilambo capasi yawile, mpela yijuni yiliyose, yinyama yiliyose ni ŵandu wosope, cindu cilicose cakupumula ca pa cilambo cawile. Mlungu ŵayijonasile ya umi yosope ya pa cilambo capasi: ŵandu, yinyama ni yijuni. Nowa ni wosope ŵiŵaliji m'combo ni ŵiŵakulupwice. Mesi galiji ciŵela gamajinji pa cilambo capasi kwa masiku 150.

Ouvir Gen 7