Mapudungun - UBS Edition (NT) Drama

<div class="version vid355 iso6393arn" data-vid="355" data-iso6393="arn">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Jesus ka Sakew</div><div class="p"> 1Jesus konpuy Jeriko mew, fey rumerpuy rangi ti waria mew. 2&#220;yew m&#252;lerkey ki&#241;e riku wentru, Sakew pingelu. Longkolerkey tati pu kofrakelu impuestu ta Romangealu, 3fey t&#252;fa ay&#252;rkey &#241;i kimafiel ta Jesus, welu pepi leliw&#252;l&#252;rkelafi m&#252;lerkelu am rume fentren che ka femngechi ta Sakew laftra wentrungerkey. 4Feymew lef&#252;rkey w&#252;nelualu, ta&#241;i dipuafiel ka &#241;i peafiel, fey p&#252;rapuy ki&#241;e an&#252;mka mew f&#252;lp&#252;le chew &#241;i rumeael ta Jesus. 5Feymew petu rumelu Jesus inaf&#252;l ti an&#252;mka p&#252;le, p&#252;rakintueyew ka feypieyew:</div><div class="p">&#8212;Sakew, p&#252;r&#252;m nagpatunge. Fachant&#252; i&#241;che witranngemean eymi tami ruka mew.</div><div class="p"> 6Feymew Sakew p&#252;r&#252;m nagpatuy, ka rume ay&#252;w&#252;n mew llowfi ta Jesus. 7Fey pengelu t&#252;fa, kom eluwi &#241;i fillpiafiel eng&#252;n ta Jesus, ka dunguyefi eng&#252;n &#241;i amun mew ta&#241;i witranngemeael ti yafkafe wentru &#241;i ruka mew.</div><div class="p"> 8Feymew Sakew witrak&#252;nuwi ka feypifi ta &#209;idol:</div><div class="p">&#8212;Allk&#252;tuen, &#209;idol, i&#241;che eluafi&#241; tati pu pofrengelu rangi&#241; kom ta&#241;i nieelchi chemk&#252;n: fey we&#241;e&#241;makefili chem rume ineyngeay rume, wi&#241;oleltuafi&#241; doy meli rupachi ta&#241;i we&#241;e&#241;makefiel mew.</div><div class="p"> 9Fey feypieyew ta Jesus:</div><div class="p">&#8212;Fachant&#252; Ng&#252;nechen dew montulfi ta t&#252;fachi rukache, fey t&#252;fachi wentru ka femngechi Abraam &#241;i yomelchengey. 10Feymew tati Wentruk&#252;nuwpalu k&#252;pay ta&#241;i kintupayafiel ka ta&#241;i montulafiel tati &#241;amk&#252;lekefulu &#241;i yafkan mew.</div><div class="s">Tati p&#252;lata adk&#252;nu dungu</div><div class="r">(Matew 25.14-30)</div><div class="p"> 11Fey ti pu che allk&#252;tuley Jesus &#241;i feypimeken t&#252;fachi dungu, fey kisu n&#252;tramelfi ki&#241;e adk&#252;nu dungu kisu mew, fey Jesus am f&#252;lk&#252;lepurkelu dewma ta Jerusalen p&#252;le, feymew kisu eng&#252;n rakiduamk&#252;lerkey &#241;i akuael p&#252;r&#252;mkachi Ng&#252;nechen &#241;i longko &#252;lmenngen.</div><div class="p"> 12Feymew n&#252;tramelfi t&#252;fachi adk&#252;nu dungu: &#8220;M&#252;lekefuy ki&#241;e wentru longko &#252;lmen k&#252;palmengelu, fey t&#252;fa amurkey al&#252; kamapu, tati kangelu troki&#241; mapu mew, femngechi ta&#241;i longko &#252;lmenk&#252;nungeael ka &#241;i wi&#241;ometuael. 13Fey petu &#241;i amunon, m&#252;tr&#252;mfi &#241;i mari pu kona &#241;i nieel, fey eluyefi kake ki&#241;eke eng&#252;n fentren p&#252;lata, ka feypifi: &#8216;Neosiayafim&#252;n t&#252;fachi p&#252;lata femngechi &#241;i doy yallael, fey wi&#241;ometuli w&#252;la elumutuan&#8217;. Fey kisu amuy. 14Welu kisu &#241;i troki&#241; mapu mew m&#252;lechi pu che rume &#252;deeyew, feymew ina werk&#252;lelngey ki&#241;e muf&#252; che ta&#241;i feypifalngeael: &#8216;I&#241;chi&#241; pilelai&#241; t&#252;fachi wentru &#241;i longko &#252;lmenngeael i&#241;chi&#241; mew.&#8217;</div><div class="p"> 15&#8220;Welu kisu longko &#252;lmenk&#252;nungey, fey wi&#241;ometuy &#241;i troki&#241; mapu mew. Fey dew akutulu, werk&#252;y &#241;i m&#252;tr&#252;melngeael &#241;i pu kona t&#252;fey eng&#252;n ta&#241;i elurpufiel tati p&#252;lata, ta&#241;i kimael tunten &#241;i wewel kake ki&#241;eke eng&#252;n. 16Fey ti wentru w&#252;ne eluel ti p&#252;lata puwi ka feypipuy: &#8216;&#209;idol, tami p&#252;lata mew wew&#252;n doy mari rupachi.&#8217; 17Fey ti longko &#252;lmen llowdungueyew: &#8216;Rume k&#252;mey tati, eymi ta rume k&#252;me kona. Eymi ta r&#252;f mew m&#252;ngeltuymi ti pichin dungu tami werk&#252;fiel, eymi ta longkoleaymi mari waria che mew.&#8217; 18Fey ka puwi ti kangelu ka feypi: &#8216;&#209;idol, tami p&#252;lata mew wew&#252;n doy kechu rupachi.&#8217; 19T&#252;fa kafey llowdungufi: &#8216;Eymi ta longkoleaymi kechu waria che mew.&#8217;</div><div class="p"> 20&#8220;Welu kangelu ka puwi feypilen mew: &#8216;&#209;idol, t&#252;fa &#241;i m&#252;len tami p&#252;lata. K&#252;tr&#252;ngniekefui&#241; ki&#241;e pa&#241;u mew: 21I&#241;che ll&#252;kaeyu ta eymi, eymi am rume yaf&#252; piwke wentrungelu. Nentukeymi chew tami k&#252;dawnoel mew, ka kosechakeymi chew tami ngannoel.&#8217; 22Feymew ti longko &#252;lmen feypieyew: &#8216;Wesa kona, kisu tami dungun mew dalluntukuwimi. Rakiduamfulmi eymi i&#241;che &#241;i yaf&#252; piwke wentrungen ka ta&#241;i &#241;imituken chew ta&#241;i k&#252;dawnoel mew ka ta&#241;i kosechaken chew ta&#241;i ngannoel mew, 23&#191;chumngelu am tukumelafimi ti p&#252;lata ta banku mew? Femngechi wi&#241;oleltuafen &#241;i wewel ti p&#252;lata, akutulu i&#241;che ta&#241;i ruka mew.&#8217; 24Feymew ka feypifi t&#252;fey mew m&#252;lechi pu che: &#8216;M&#252;ntu&#241;mafim&#252;n ti p&#252;lata fey elufim&#252;n ti wewlu doy mari rupachi.&#8217; 25Kisu eng&#252;n feypieyew: &#8216;&#209;idol, &#161;Welu kisu dew wewi doy mari rupachi!&#8217; 26Fey ti longko &#252;lmen llowdunguy: &#8216;I&#241;che ta feypiwayi&#241;, tati nielu doy elungeay. Welu tati nienolu, ta&#241;i pichin nieel, fey k&#252;tu ta m&#252;ntu&#241;mangeay. 27Ta&#241;i pu kay&#241;e tati pinofulu i&#241;che ta&#241;i longko &#252;lmenngeael kisu eng&#252;n mew k&#252;palfim&#252;n t&#252;fa mew ka lang&#252;mfim&#252;n i&#241;che &#241;i adki&#241; mew.&#8217; &#8221;</div><div class="s">Jesus puwi longko &#252;lmen reke ta Jerusalen waria mew</div><div class="r">(Matew 21.1-11; Marku 11.1-11; Juan 12.12-29)</div><div class="p"> 28Fey dew feypilu t&#252;fa, trekak&#252;nuwi ta Jesus &#241;i amuael ta Jerusalen. 29Fey dew puwlu Betfage ka Betania mew, feyti Olifu pingechi wingkul &#241;i p&#252;lle mew, fey werk&#252;y epu &#241;i disipulu 30feypilen mew: </div><div class="p">&#8212;Amuaymu ti pichi troki&#241; ruka che mew m&#252;lelu t&#252;yechi lelf&#252;n &#241;i itrotripa, fey puw&#252;lmu, pepuafimu ki&#241;e trapelk&#252;lechi pichi furiku, fey t&#252;fa iney rume petu p&#252;ralaeyew, nentutrapelafimu, fey k&#252;palafimu. 31Fey iney rume ramtuelmumew chumngelu tamu nentutrapelpefiel, feypiafimu &#8216;&#209;idol duamtueyew tati&#8217;. 32Fey ti epu disipulu amuyngu ka pepufingu ti pichi furiku kom chumngechi &#241;i feypik&#252;nuetew ta Jesus. 33Petu nentutrapelpefilu engu ti furiku, ti ngenngelu ramtueyew:</div><div class="p">&#8212;&#191;Chumngelu anta petu nentutrapelpefimu?</div><div class="p"> 34Kisu engu llowdunguy:</div><div class="p">&#8212;&#209;idol duamtufi ti furiku.</div><div class="p"> 35Fey ti furiku &#241;i furi mew wente cha&#241;up&#252;ramelfi eng&#252;n &#241;i takuw&#252;n ta Jesus, fey ka p&#252;rakawelluy ti furiku mew. 36Fey amulelu Jesus, ti pu che in&#252;fk&#252;nuyeyng&#252;n &#241;i takuw&#252;n ti r&#252;p&#252; mew. 37Fey f&#252;lpulu ti k&#252;llegngechi r&#252;p&#252; mew tati Olifu pingechi wingkul p&#252;le, kom ta&#241;i inanieetew eluwi &#241;i wirarael ay&#252;w&#252;n mew ka &#241;i p&#252;ramyeafiel ta Ng&#252;nechen kom ti afmatufal dungu &#241;i peel mew. 38Fey feypi eng&#252;n:</div><div class="q1">&#8220;&#161;F&#252;tra k&#252;me felen niepe ti longko &#252;lmen k&#252;palelu &#209;idol Ng&#252;nechen &#241;i piel mew!</div><div class="q1">&#161;K&#252;me t&#252;ng&#252;n m&#252;lepe ta wenu mapu mew ka f&#252;tra pepiluw&#252;n m&#252;lepe ta wenu mew!&#8221;</div><div class="p"> 39Feymew ki&#241;eke ti pu farisew k&#252;palelu ti pu che mew feyping&#252;n:</div><div class="p">&#8212;Kimeltufe, katr&#252;tudungufinge tami inanieetewchi pu che &#241;i wirark&#252;mekenoael eng&#252;n.</div><div class="p"> 40Welu Jesus llowdungueyew:</div><div class="p">&#8212;I&#241;che feypiwayi&#241; t&#252;fa eng&#252;n dungunole, tati pu kura wiraray.</div><div class="p"> 41Feymew puwlu Jerusalen &#241;i f&#252;l mew, fey pefilu tati waria mew m&#252;lechi pu che, Jesus ng&#252;mayefi 42feypilen mew: &#8220;&#161;Ng&#252;neduamfulm&#252;n, ta fachant&#252; tam&#252;n eluafetew k&#252;me t&#252;ng&#252;n! Welu fewla t&#252;fachi dungu ellkaley ta eym&#252;n mew, feymew ta pepi k&#252;me leliw&#252;l-lafim&#252;n. 43K&#252;paley ta wesake ant&#252; tam&#252;n kutrankawael, feychi tami pu kay&#241;e wall p&#252;le dewmalelaeym&#252;nmew f&#252;trake malal, fey wallo&#241;mayaeym&#252;nmew ka weychayaeym&#252;nmew ta wall p&#252;le. 44Fey ka ap&#252;mkangeaym&#252;n ta itrokom eym&#252;n. Lang&#252;mkangeay ti m&#252;lechi pu che ka elngelayay ki&#241;e kura no rume tati k&#252;me elk&#252;lefulu, fey eym&#252;n am llownofilu ka manelnofilu ta Ng&#252;nechen, feychi k&#252;palu ta Ng&#252;nechen tami montulafetew.&#8221;</div><div class="s">Jesus &#241;i fem&#252;n mew kimeli &#241;i yamniengeael ti ngillatuwe ruka</div><div class="r">(Matew 21.17-21; Marku 11.15-19; Juan 2.13-22)</div><div class="p"> 45Fey dew rupalu t&#252;fachi dungu, Jesus konpuy ti ngillatuwe ruka mew, fey eluwi &#241;i wem&#252;nentuafiel t&#252;ye mew tati fendemekelu ka ngillakamekelu#19.45 Ki&#241;eke kuyfi wirin mew ngelay: &#171;ka ngillakamekelu&#187;. &#241;i chemk&#252;n ta p&#252;lata mew. 46Ka femngechi feypifi: &#8220;Tati Wirin Chillka mew feypiley: &#8216;I&#241;che &#241;i ruka ta ngillatuwe ruka pingey,#19.46 Isaia 56.7. welu eym&#252;n ta ki&#241;e we&#241;efe &#241;i ruka reke niefim&#252;n.&#8217; &#8221;#19.46 Jeremia 7.11.</div><div class="p"> 47Fey Jesus kimeltukerkey ti ngillatuwe ruka mew, fey ti longkolelu tati pu saserdote mew ka ti kimeltukelu ta Moyse &#241;i ley dungu ka ti longkolelu ti waria mew miyaw&#252;rkey &#241;i kintukaduamaetew eng&#252;n chumngechi &#241;i lang&#252;mafuel eng&#252;n ta Jesus. 48Welu pepil-lay eng&#252;n &#241;i chumngechik&#252;nuael ta&#241;i ay&#252;fel eng&#252;n &#241;i femaelchi dungu, fey kom ti pu che am ku&#241;iwtun mew k&#252;me allk&#252;tulelu Jesus &#241;i kimeltumekeelchi dungu.</div>
 </div>
 </div>
</div>

El Nuevo Testamento en Mapudungun © Sociedades Bíblicas Unidas 1996.

Jesus konpuy Jeriko mew, fey rumerpuy rangi ti waria mew. Üyew mülerkey kiñe riku wentru, Sakew pingelu. Longkolerkey tati pu kofrakelu impuestu ta Romangealu, fey tüfa ayürkey ñi kimafiel ta Jesus, welu pepi leliwülürkelafi mülerkelu am rume fentren che ka femngechi ta Sakew laftra wentrungerkey. Feymew lefürkey wünelualu, tañi dipuafiel ka ñi peafiel, fey pürapuy kiñe anümka mew fülpüle chew ñi rumeael ta Jesus. Feymew petu rumelu Jesus inafül ti anümka püle, pürakintueyew ka feypieyew:
—Sakew, pürüm nagpatunge. Fachantü iñche witranngemean eymi tami ruka mew.
Feymew Sakew pürüm nagpatuy, ka rume ayüwün mew llowfi ta Jesus. Fey pengelu tüfa, kom eluwi ñi fillpiafiel engün ta Jesus, ka dunguyefi engün ñi amun mew tañi witranngemeael ti yafkafe wentru ñi ruka mew.
Feymew Sakew witrakünuwi ka feypifi ta Ñidol:
—Allkütuen, Ñidol, iñche eluafiñ tati pu pofrengelu rangiñ kom tañi nieelchi chemkün: fey weñeñmakefili chem rume ineyngeay rume, wiñoleltuafiñ doy meli rupachi tañi weñeñmakefiel mew.
Fey feypieyew ta Jesus:
—Fachantü Ngünechen dew montulfi ta tüfachi rukache, fey tüfachi wentru ka femngechi Abraam ñi yomelchengey. Feymew tati Wentrukünuwpalu küpay tañi kintupayafiel ka tañi montulafiel tati ñamkülekefulu ñi yafkan mew.


Fey ti pu che allkütuley Jesus ñi feypimeken tüfachi dungu, fey kisu nütramelfi kiñe adkünu dungu kisu mew, fey Jesus am fülkülepurkelu dewma ta Jerusalen püle, feymew kisu engün rakiduamkülerkey ñi akuael pürümkachi Ngünechen ñi longko ülmenngen.
Feymew nütramelfi tüfachi adkünu dungu: “Mülekefuy kiñe wentru longko ülmen küpalmengelu, fey tüfa amurkey alü kamapu, tati kangelu trokiñ mapu mew, femngechi tañi longko ülmenkünungeael ka ñi wiñometuael. Fey petu ñi amunon, mütrümfi ñi mari pu kona ñi nieel, fey eluyefi kake kiñeke engün fentren pülata, ka feypifi: ‘Neosiayafimün tüfachi pülata femngechi ñi doy yallael, fey wiñometuli wüla elumutuan’. Fey kisu amuy. Welu kisu ñi trokiñ mapu mew mülechi pu che rume üdeeyew, feymew ina werkülelngey kiñe mufü che tañi feypifalngeael: ‘Iñchiñ pilelaiñ tüfachi wentru ñi longko ülmenngeael iñchiñ mew.’
“Welu kisu longko ülmenkünungey, fey wiñometuy ñi trokiñ mapu mew. Fey dew akutulu, werküy ñi mütrümelngeael ñi pu kona tüfey engün tañi elurpufiel tati pülata, tañi kimael tunten ñi wewel kake kiñeke engün. Fey ti wentru wüne eluel ti pülata puwi ka feypipuy: ‘Ñidol, tami pülata mew wewün doy mari rupachi.’ Fey ti longko ülmen llowdungueyew: ‘Rume kümey tati, eymi ta rume küme kona. Eymi ta rüf mew müngeltuymi ti pichin dungu tami werküfiel, eymi ta longkoleaymi mari waria che mew.’ Fey ka puwi ti kangelu ka feypi: ‘Ñidol, tami pülata mew wewün doy kechu rupachi.’ Tüfa kafey llowdungufi: ‘Eymi ta longkoleaymi kechu waria che mew.’
“Welu kangelu ka puwi feypilen mew: ‘Ñidol, tüfa ñi mülen tami pülata. Kütrüngniekefuiñ kiñe pañu mew: Iñche llükaeyu ta eymi, eymi am rume yafü piwke wentrungelu. Nentukeymi chew tami küdawnoel mew, ka kosechakeymi chew tami ngannoel.’ Feymew ti longko ülmen feypieyew: ‘Wesa kona, kisu tami dungun mew dalluntukuwimi. Rakiduamfulmi eymi iñche ñi yafü piwke wentrungen ka tañi ñimituken chew tañi küdawnoel mew ka tañi kosechaken chew tañi ngannoel mew, ¿chumngelu am tukumelafimi ti pülata ta banku mew? Femngechi wiñoleltuafen ñi wewel ti pülata, akutulu iñche tañi ruka mew.’ Feymew ka feypifi tüfey mew mülechi pu che: ‘Müntuñmafimün ti pülata fey elufimün ti wewlu doy mari rupachi.’ Kisu engün feypieyew: ‘Ñidol, ¡Welu kisu dew wewi doy mari rupachi!’ Fey ti longko ülmen llowdunguy: ‘Iñche ta feypiwayiñ, tati nielu doy elungeay. Welu tati nienolu, tañi pichin nieel, fey kütu ta müntuñmangeay. Tañi pu kayñe tati pinofulu iñche tañi longko ülmenngeael kisu engün mew küpalfimün tüfa mew ka langümfimün iñche ñi adkiñ mew.’ ”


Fey dew feypilu tüfa, trekakünuwi ta Jesus ñi amuael ta Jerusalen. Fey dew puwlu Betfage ka Betania mew, feyti Olifu pingechi wingkul ñi pülle mew, fey werküy epu ñi disipulu feypilen mew:
—Amuaymu ti pichi trokiñ ruka che mew mülelu tüyechi lelfün ñi itrotripa, fey puwülmu, pepuafimu kiñe trapelkülechi pichi furiku, fey tüfa iney rume petu püralaeyew, nentutrapelafimu, fey küpalafimu. Fey iney rume ramtuelmumew chumngelu tamu nentutrapelpefiel, feypiafimu ‘Ñidol duamtueyew tati’. Fey ti epu disipulu amuyngu ka pepufingu ti pichi furiku kom chumngechi ñi feypikünuetew ta Jesus. Petu nentutrapelpefilu engu ti furiku, ti ngenngelu ramtueyew:
—¿Chumngelu anta petu nentutrapelpefimu?
Kisu engu llowdunguy:
—Ñidol duamtufi ti furiku.
Fey ti furiku ñi furi mew wente chañupüramelfi engün ñi takuwün ta Jesus, fey ka pürakawelluy ti furiku mew. Fey amulelu Jesus, ti pu che inüfkünuyeyngün ñi takuwün ti rüpü mew. Fey fülpulu ti küllegngechi rüpü mew tati Olifu pingechi wingkul püle, kom tañi inanieetew eluwi ñi wirarael ayüwün mew ka ñi püramyeafiel ta Ngünechen kom ti afmatufal dungu ñi peel mew. Fey feypi engün:
“¡Fütra küme felen niepe ti longko ülmen küpalelu Ñidol Ngünechen ñi piel mew!
¡Küme tüngün mülepe ta wenu mapu mew ka fütra pepiluwün mülepe ta wenu mew!”
Feymew kiñeke ti pu farisew küpalelu ti pu che mew feypingün:
—Kimeltufe, katrütudungufinge tami inanieetewchi pu che ñi wirarkümekenoael engün.
Welu Jesus llowdungueyew:
—Iñche feypiwayiñ tüfa engün dungunole, tati pu kura wiraray.
Feymew puwlu Jerusalen ñi fül mew, fey pefilu tati waria mew mülechi pu che, Jesus ngümayefi feypilen mew: “¡Ngüneduamfulmün, ta fachantü tamün eluafetew küme tüngün! Welu fewla tüfachi dungu ellkaley ta eymün mew, feymew ta pepi küme leliwül-lafimün. Küpaley ta wesake antü tamün kutrankawael, feychi tami pu kayñe wall püle dewmalelaeymünmew fütrake malal, fey walloñmayaeymünmew ka weychayaeymünmew ta wall püle. Fey ka apümkangeaymün ta itrokom eymün. Langümkangeay ti mülechi pu che ka elngelayay kiñe kura no rume tati küme elkülefulu, fey eymün am llownofilu ka manelnofilu ta Ngünechen, feychi küpalu ta Ngünechen tami montulafetew.”


Fey dew rupalu tüfachi dungu, Jesus konpuy ti ngillatuwe ruka mew, fey eluwi ñi wemünentuafiel tüye mew tati fendemekelu ka ngillakamekelu ñi chemkün ta pülata mew. Ka femngechi feypifi: “Tati Wirin Chillka mew feypiley: ‘Iñche ñi ruka ta ngillatuwe ruka pingey, welu eymün ta kiñe weñefe ñi ruka reke niefimün.’ ”
Fey Jesus kimeltukerkey ti ngillatuwe ruka mew, fey ti longkolelu tati pu saserdote mew ka ti kimeltukelu ta Moyse ñi ley dungu ka ti longkolelu ti waria mew miyawürkey ñi kintukaduamaetew engün chumngechi ñi langümafuel engün ta Jesus. Welu pepil-lay engün ñi chumngechikünuael tañi ayüfel engün ñi femaelchi dungu, fey kom ti pu che am kuñiwtun mew küme allkütulelu Jesus ñi kimeltumekeelchi dungu.

Ouvir Luka 19