Versículos bíblicos populares de Gênesis 25

Partilhar

SENHOR ombovai: — Mokoĩ regua rima nderye py oĩ, itui'i guive mokoĩ regua 'rã oiko joo rami e'ỹ ikuai va'e. Peteĩ regua ma amboae gui ipo'akave 'rã, ha'e tujave va'e oiko 'rã kyrĩve va'e rembiguai — he'i.

Ha'e vy aipoe'i: — Eme'ẽ xevy upe pytã rei va'e rembojy va'ekue kyrĩ'i ha'u aguã, xenhembyayi vaipa ma — he'i. Ha'e nunga rupi omboerya Edom.

Ha'e gui Isaque ra'yxy imemby va'erã e'ỹ oiko ramo ojerure SENHOR pe. Ha'e rã ojerurea SENHOR oendu ramo ta'yxy Rebeca oguereko'i kyrĩ va'e.

Tyke'y ombovai: — Xee ma amano ta ma. Mba'erã tu ovare xevy jypygua peguarã va'e? — he'i. Ha'e ramo Jacó — Eura ranhe xevy — he'i ramo oura.

Ha'e rire'i ma tyvy ju oiko guyke'y Esaú pyta re ojopy reve. Ha'e nunga rupi omboery Jacó. Isaque sessenta ma'etỹ oguerekoa py ta'yxy Rebeca oikuavã'i.

Isaque oayvu vaipa Esaú, xo'o ojuka va'ekue ho'uxe vai vy. Ha'e rã Rebeca ma Jacó oayvuve.