Versículos bíblicos populares de Luke 4

Partilhar

“Bajari da Asisi namokena asugetiri irena. Ainda beká mo: evetu genembo makasi embokena, Bino Eveva saono dae sedo, na gategusira. Evetu genembo ari ekoi bundetiri irera ava, saono vujege doyoro dae sedo, Bajari setiri ojigheni. Evetu genembo diti digoide ava sonembaono, diti afigari gaoro dae sedo, na mutiri ojigheni. Evetu genembo, nenda kokotofuimi jo tavo ae eraera ava, foa sonembaono jejebugaoro dae sedo, setiri ojigheni. A God, ghaeko eminda nunda jebuga ijugarira, ava osa saono dae sedo, setiri na ojigheni.” Geka ava tegutusira.

Iesu mino numokena sisira, “God da Geka eminge resira: ‘Nenda Bajari God nusuka numoá, tumonde bainghuse, nunda uju avanembo areva!’”

Setiri, Iesu mino sisira, “God da Geka eminge resira: ‘Evetu genembo oka bayau vanembo kotarera amo, God da jebuga beká jo tambae arera.’”

Iesu nu, Asisi Kakara ai asugetiri dubo kotise, Jordan Uvuda ghe jovereghe isira. Asisi Kakara aimi nu unumbe budo ira, reighi uvu ã evetu genembo irae da vasa aminda isira.

Iesu mino numokena sisira, “Resesa amo, geka bekári. Avata vasa eninda, God da Geka eminge resira: ‘Nenda Bajari God ava, jo dere gari dae ae areva.’”

Aminge setiri, Satan nu derari Iesu durari gari dae usira ava, jo inono ae etiri gido, nu Iesu sifo tufako do darigusira.

Aminge setiri, Satan Iesu unumbe bu vitira, reighi ã frovensi isasambu endada irira, ainda fakina ã duro ava, jighi afigetiri fuge gosusira. Gosiri, Satan numokena sisira, “Reighi mendeni mendeni eregosesa evia, God nunda ungo sokinembetiri nane ruruseni. Genembo mavejoá uju arena amo, nane saono nu reighi einda kotofuko arira. A enda einda reighi isasambu da fakina ã gugua numokena mutarena. Ava sedo, Iesu, ni namoá tumonde baingharesa amo, reighi einda duro eregosesa evia, nimokena mutono baresa,” aminge setiri, Iesu mino numokena sisira, “God da Geka eminge resira: ‘Nenda Bajari God nusuka numoá, tumonde bainghuse, nunda uju avanembo areva!’”

Setiri, Satan nu Iesu unumbe budo Jerusalem aminda ira buvudo, God da Kambo+ ainda enoda viti ira fetedo, Satan jovereghe Iesu kena sisira, “Ni God da Mandi iraresa amo, jaunghe gaone! Jaunghaso dae resena ainda susu mo, God da Geka eminge resira: ‘God nunda aneya ni kaifa aoro dae sedo, dengoro indarira.’ A God da Geka eni barago eminge resira, ‘Aneya nene ni kaifa ururoro, ni vosiya nenda ungoda desembedo vose fetaresa. Ninda ata jo ghamanai de fokughuse, jorae arira.’” Satan aminge setiri, Iesu mino numokena sisira, “Resesa amo, geka bekári. Avata vasa eninda, God da Geka eminge resira: ‘Nenda Bajari God ava, jo dere gari dae ae areva.’”