Versículos bíblicos populares de Cwaan 6

Partilhar

Ciisahs itahsh 'owe kii'ihkito: “Niin pahkweshikan kaamiikiwetc pimaatisiwin. Awiya tahsh kaapinaasihkawitc, kaawiin wiihkaa tanoonteskatehsii; kaye kaatepweyenimitc kaawiin wiihkaa tanoontayaapaakwehsii.

Kishemanitoo otAhcaahkwan miiwan ini kaamiikiwenitc pimaatisiwin. Awiya wiin iko otishiayaawin, kaawiin kanake kekoon inaapatahsinini. Ono tahsh niin nintihkitowinan kaakii'wiintamawinakook, keonciotihsinek a'a Kishemanitoo otAhcaahkwan, pimaatisiwin kemiininek.

Keko wiin ishianohkiihkek i'iwe miicim kaawii'nihshiwanaatahk cikakwekaahcicihtooyek, i'iwehsh kotak miicim kenehpici onciinik pimaatisiwin keishkwaahsehsinok, mii 'iwe kaahcicihtook. Mii 'owe miicim niin Inini oKosihsan kemiininakook. Niin aaniihsh ninkiihkihkinawaaci'ik a'a Weyoohsimintc Kishemanitoo, ekiihtepakenimihshitc,” okii'inaa'.

Aaniihsh mii o'owe otinentamowin a'a Noohs, minihk awiya nehsitawinawitc Kishemanitoon e'oKosihsiminitc kaye tiyepweyenimitc, mii 'awe keayaatc pimaatisiwin wiihkaa keishkwaahsehsininik; kaye ninkakiiwepimaatisi'aa ishkwaac kiishikaninik,” kii'ihkito.

Ciisahs tahsh okii'inaa': “Mii 'owe anohkiiwin kaashiantaweniminek Kishemanitoo: tepweyenimimihk ini kaakiihpiicinisha'waatc,” okii'inaa'.

Iniweniwa' itahsh kaakii'miishitc a'a Noohs, kahkina ninkapinaasihkaakook. 'Awehsh kaapinaasihkawitc kaawiin wiihkaa ninka/⁠aanawenimaahsii.

Saaiman Piitar (Simon Peter) okii'nahkwehtawaan: “Tepencikeyan, awenen pahkaan kenaasihkawankitc? Kiin iitok ehta kitayaan ihkitowin kaaonciimakahk pimaatisiwin wiihkaa keishkwaahsehsinok.

Niin ihsa wa'a pahkweshikan pemaatisiishkaaketc kihcikiishikonk kaakiihpionciitc. Piko awenen iko amwaatc pishihshik tapimaatisi. Ono tahsh pahkweshikanan kemiinak, mii 'owe niwiiyaw kemiikiweyaan cipimaatisiwaatc ahkiink kaa‑ayaawaatc,” kii'ihkito.

Kaawiin awiya ninkapinaasihkaakohsii, kiishpin paanimaa ehta Noohsan wiihkopinikotc ninkapinaasihkaakook; shikwahsh mii 'awe ninkakiiwepimaatisi'aa ishkwaac kiishikahk.

Amiiwan ini Kishemanitoo opahkweshikaniman kaapimiikiwetc, mii 'awe kihcikiishikonk kaapionciitc kaye kaamiinaatc pimaatisiwin i'i ahkiink kaa‑ayaanitc,” kii'ihkito.

Niin pahkweshikan kaamiikiwetc pimaatisiwin.

Ciisahs itahsh okii'otaahpinaa' ono pahkweshikanihkaanenhsa'. Miitahsh kaa'ishinanaahkomotc ekii'nenaawinamawaatc i'i kaanamatapinitc aaniin minihk kaawii'amwaanitc. Miihsh peshikwan miinawaa i'i niishin kinooshenhsa' kaahtootawaatc ekii'nenaawinaatc, minihk kaa‑antawenimaanitc. Miihsh i'i kahkina kaahtewiihsiniwaatc, okiihkanoonaa' okihkino'amawaakana': “Maamooshakinamohk ini kaaishkohsekin, miinawaa cimiicinaakaatekin,” okii'inaa'.

Aasha maawiin nihsin komaa niiwin tahsotipa'ikan kaa'anipimishkaawaatc ekii'ashepoyewaatc, okii'waapamaawaan Ciisahsoon ehpimohsenitc i'imaa saaka'ikaniink ehpinaasihkaminitc 'i ciimaan. Miitahsh kiihkihcisekisiwak. Okiihkanoonikowaan itahsh: “Niin ohsha! Keko sekisihkek!” okii'ikowaan.