Versículos bíblicos populares de Chiv Keeb 9

Partilhar

Thiab Vajtswv hais tias, “No yog tus cim uas kuv cog lus rau nej thiab kuv, thiab txhua yam ciaj sia uas nrog nej nyob, mus rau txhua tiam. Kuv tsa kuv tus zaj sawv rau saum cov huab, mas tus zaj ntawd yuav ua tus cim uas kuv cog lus rau lub ntiajteb thiab kuv.

Thaum tus zaj sawv saum cov huab, kuv yuav ntsia ntsoov tus zaj ntawd thiab nco txog tej lus cog tseg uas nyob ib txhis rau Vajtswv thiab txhua yam ciaj sia uas nyob hauv lub ntiajteb.”

“Leejtwg tua neeg los ntshav, tus ntawd yuav raug neeg tua kom los ntshav ib yam nkaus, rau qhov Vajtswv tsim neeg zoo li nws tus yam ntxwv.

Vajtswv foom koob hmoov rau Nau‑a thiab nws cov tub thiab hais rau lawv tias, “Cia li muaj tub ki huaj vam coob puv ntiajteb.

Txhua yam ciaj sia uas nkag thiab ya yuav ua nej zaub noj. Kuv pub txhua yam rau nej noj ib yam li kuv pub zaub ntsuab rau nej noj lawd.

Txhua yam tsiaj hauv ntiajteb thiab txhua yam noog saum nruab ntug thiab txhua yam tsiaj uas nkag hauv av thiab txhua yam ntses hauv hiavtxwv yuav ntshai nej heev. Kuv muab tej tsiaj ntawd huvsi cob rau hauv nej txhais tes.

Nej cia li muaj menyuam huaj vam coob, cia li muaj tub ki coob coob hauv lub ntiajteb thiab huaj vam coob.”