Versículos bíblicos populares de Jooni 10

Partilhar

Bakisipunanka poromaung bakiaa'aarii'naang, tavaarii'naang, kera'paarii'naang. Ee'noko ning mou'nung domaang oto'evurii'naang, domaang tampa' otoi-oto'ke maanto'nisi.

Ning tampara tarenara. Tampara tarenara bakaning-koo sipisipi'koo boo'parapeu'nung makosi.

Nkaninge sipisipi'nankai nkaang kara taaravaamaung, ninge noru'aransi o'nong, ee'noko teinge ning siomaamaung.

Domaang oparavauka'nung avoromaung, ee'noko teing booroauka'nunge, ee'noko naninge tatusi'uriauka'nunge nkaang bireng-eta.

Nka tee, ning ee'nara karanaang parang-koong. Baa tee ning-anko pora tumparavainung domang moo'aravaing. Napo' teie tumparama ee'noko siarama taamang oovumatoaing.

Ning tee tampara tarenara

Mma'ke ookara-koo dau basie teing amuu'. Naninge tatusi'uriarupeu' Mma'keta, bakaang bireng-eta. Mma' ee'noko ning narung.”

Mma'ke tasi'mui o'noina' ee'noko ninge Mma' tasi'pansi o'nong, tee' nari' ninge tasi'paransi o'nong nkaning sipisipi'nanka ee'noko teinge tasi'mai o'nong. Teing-koo ning moompaing makosi.

Nantoonge nkaang domaang pari'maavauka'nung. Ninge ninka maroita sipampaing. Ning iri' oto'memung nkaang domaang sipampeu'nung-koo, ee'noko napo' iri' oto'memung ninge napo' domaang nkavampeu'nung-koo. Mma'ke tee' nko-koo botomuu'.”

Tee'koo napo' Jiisuu'ke nauvurima aa'puru', “Masika' naurampimang, ning ee'nara karanaang sipisipi' biikaang parang-koong.

Ee'noko tee naning moo' nka-koo tanata nkovumaung tampara tarenara deea' ee'noko sipisipi' okovenung deea'. Teie nkau poko oovuma sipisipi' sipurima koo'aramaung. Ee'noko nkau poma sipisipi'nanka tavuriko purarinka'arimaung.

“Masika' naurampimang, naning tee karanaange tumparavarura sipisipi' biikaang-koo parang-koo nii'noo'ke tumparapeu'nung tee ee'nara naning bakisipung, tatusi' bauko.