Versículos bíblicos populares de Lûu 6

Partilhar

Ka ƃɛlɛ-sêe kɛ́ núu mi, gɛ̀ ní, ƃɛlɛ-sêe a pâi kɛ̂i kâa, sɛŋ kɔɔ̂ŋɔɔ a ǹɛ́lɛɛ, dí wuyɛ ma, dí dumo, dí ǹáa fɛɛ, gɛ yeŋ la, dí dɛɛ kápɔ. Kpɛ́ni fêi, berei ka sɛŋ kɔ̀ɔŋ la ka dɛɛ núu pɔi, bere nɔ ƃe da pâi gɔɔ̂nii dí dɛɛ la kápɔ.”

Núu sɔŋ lɛ́lɛɛ a pâ a mɛni lɛ́lɛɛ é kúla ǹíi su sɛŋ lɛ́lɛɛ su, ǹyaŋ, núu sɔŋ nyɔ́mɔɔ a pâ a mɛni nyɔ́mɔɔ é kúla ŋɔmɛni nyɔ́mɔɔi su kpɛ́ni fêi, nyii nɔ ŋá tɛ́ɛ̂i ma núu líi su, maa-woo-ŋai ti nɔ ƃa kúla ǹá.

Kɛ́lɛ, ka kákpɔara-ƃelai wɛli, ka mɛni lɛ́lɛɛ kɛ́ a dîa, ka kpa pìli dîa diai kákili fé dîa a gɛɛ dí deêi, gɛ̀ ní, káfela-fei a pâi kɛ̂i a gɛ́tɛ, ka pâi kɛ̂i a Ǹúui Gɛ́tɛi lonii, kpɛ́ni fêi, zɔŋ lɛ́lɛɛ̂i kpîŋ ǹûai dîa sɛɣɛi-fei fe díyêei bɛlɛɛ zɔnyɔ̂ŋ-ƃelai dîa.

Ka núu malôŋ káa yɛ̂ɛ berei nɔ Kánâŋ-nuui a núu malôŋ kàa lai.

“Káfe káƃarâŋ-nuu ŋɔmɛni ŋá tèe, gɛ̀ ní, káwɔ̂-mɛni ŋá fé pâi teêi. Káfe mɛni lɛɛ káƃarâa dîa, gɛ̀ ní, mɛni fé pâi lɛɛ̂i káŋûa. Ka káƃarâŋ-nuu sɔŋ su-mɛni lɛɛ, gɛ̀ ní, kásɔŋ su-mɛni a pâi lɛɛ̂i.

“Kɛ́lɛ, káai ŋ́oo mɛnîi, ŋa m̀ôi kâa, ka kákpɔara-ƃelai wɛ́li. Ka mɛni lɛ́lɛɛ kɛ́ a diai da kákpɔ̀arâi. Ka lûwa too dîa diai da kánaɣaŋ làai. Ka Ɣâla fɛli dímɛni ma diai da káwoo nyɔŋ fêi.

Yɛ̂ɛ berei ka ŋ̀wɛ̂lii núu e kásoŋ lai, berei ti nɔ ƃe ka dísoŋ la.

Ǹúui a kátùa kákoma mai, ka kákoma kpeli tɛɛ bɔ máŋ. Ǹúui a káyokpôi kûla káyêei, káfe gbera káyɛkɛi sonîi máŋ. Sɛŋ núu kélee a káfɛ̀li mai, ka dɛɛ bɔ. Ǹúui a kasãâi sìɣei, káfe m̀arê kɛ̀ a gɛɛ e dɛɛ pôlu ŋɔ́nɔ.

“Kpɛ́ni fêi, wúru lɛ́lɛɛ da fa ƃâ a wúru-ƃa nyɔ́mɔɔ, kpaa máŋ, wúru nyɔ́mɔɔ é ƃá a wúru-ƃa lɛ́lɛɛ

kpɛ́ni fêi, wúru kélee kɔ́lɔŋɔɔ̂i gbɔɔ̂i ƃá ma. Kpɛ́ni fêi, káfa fîi wuru-ƃa kùla ɣalêŋ-wuru ma, kpaa máŋ, ka tãyaŋ kúla tânaŋ kpɔmɔ ma.