Versículos bíblicos populares de Lûu 9

Partilhar

È mò díkelee dîa, ǹyɛɛi, “À kɛ̀ núu da a ŋ̀wɛ̂lii e pîlaŋ ḿbôlu, tɔɔ é gíli kúla gbîŋ kponôi, é ŋɔsaa-wuruii siɣe a ɣele kélee, é kɛ́ ḿbôlu.

Kpɛ́ni fêi, ǹúui a ŋ̀wɛ̂li é ŋɔfúlu-laai ƃáloi, a pâi ǹánîi. Kɛ́lɛ, ǹúui a ŋɔfúlu-laai làŋ ḿaa-mɛni mai, a pâi ƃálôi.

Zîsɛ è mò ma, ǹyɛɛi, “Núu da fa pɔ̂ri díi-kɛ-kɔlii sonîi é bôlu-pere káa, pɔ̂ri é kɛ́ mì a gɛɛ é kɛ́ a Ɣâla ŋɔkâloŋ-laai su-nuu da.”

Le lɛ́lɛɛ ƃe núu a pɔ̂ri zɔlɔ ƃôi à kɛ̀ à ǹɔii kélee kɛ̀ a bɔɔ, kɛ́lɛ, e ŋɔfúlu-laai laŋ e gbɔɔ̂i ŋuŋ-la píli?

Kpɛ́ni fêi, ǹúui nyii kélee a ŋûmɛ ḿaa-mɛni ma da ŋ́ooi, tãi núu-kpune Ǹóŋ à pà la a ŋɔfólo-laai bɛlɛɛ la Nàŋ-nuui da Ŋ̀âla-taa-kela maa waa-ŋai dífolo-laai mai, a pâi ŋumɛ̂i ǹúui ti ma.

Nya ƃe Zîsɛ è mò ma, ǹyɛɛi, “Kɛlɛ̂ŋ-ŋa kɛ̂i ƃa lôai, ŋ̀ɔni-ŋai ŋ̀elei sui dítaa káa ma, kɛ́lɛ, núu-kpune Ǹóŋ ŋuŋ-lâai fé ma.”

Nya ƃe e mò dîa, ǹyɛɛi, “Ǹúui nyii a ǹyée sèe zia-lôŋ ŋí mu ńaai sui, a ǹyée sée ḿû, ǹyaŋ ǹúui nyii a ǹyée sèe ḿûi, a ǹyée sée ǹúui mu ńdɛ̀ɛi, kpɛ́ni fêi, ǹúui kákelee kásama a doo-mui, ǹyaa ƃa ǹúui gɛ́tɛi.”