Versículos bíblicos populares de Mâki 7

Partilhar

Núu líi su ƃé kili-ŋa-sia nyɔ́mɔɔ a kûla naa, ǹyaŋ nyíŋi a pà wulu-wulu kɛ́ɛ, ŋúma kɛ́ɛ, núu paá, sɛŋ maa líi téɛɛ, sɔnyɔ̂ŋ kɛ́ɛ, núu pɛ́lɛɛ, wolii-kpɔ́lu, ŋɔ̃lɛ kɛ́ɛ, laa-kara, yoŋka da ƃoo-tua-ŋa kɛ́ɛ. Mɛni nyɔ́mɔɔ-ŋai ŋí kélee da kûla núu kponôi, é gara.”

Sɛŋ da fé ŋini ŋá, nyii à lɔ̀ núu kponôi, a pɔ̂ri garâi. Kɛ́lɛ, zɛŋ a kûla núu kponôi, ǹyaa ƃa gàra. [

Zîsɛ è mò dîa ǹyɛɛi, “Azaya è tɔ̃yâ ɣala-woo ƃò é pîlaŋ káa kiri-ƃelai kâa, yɛ̂ɛ berei è bɔ̃̀yɛ lai, ‘Ǹûai ŋí da ƃâa kɛ̀ nɔ́ ḿâ a díla-gbɔ, kɛ́lɛ, dílii su kôyaai mâ.

Da ḿvɛ̂li kpɛ́ni-kpɛ́ni. Núu-kpune ŋɔtɔ̂ŋ-ŋai nɔ́ ƃé da kɛ̀ ǹɛ̂i díkɛ gɛ̀ yɛ̂ɛ da kɛ̀ ŋátɔ̂ŋ-ŋai lɛ̂i.’

“Ka káyee kúla Ɣâla ŋɔtɔ̂ŋ mu, ka káyee sée núu-kpune ŋɔtɔ̂ŋ-ŋai mu.”