Versículos bíblicos populares de Yoane 14

Partilhar

Mbi nakineaka no bowi. Napaka no bowi bombi mɛnɛ, te nongo bowi bopaka ngondo.

Yesu abala na nde bo, Mbi nadi Njea, na Soti, na Bomɔ. Pɛpɛ nongo moto odi bodoa ai Sango; adi bodoa ai Sango oko na mbi.

Yɛni bosanɔngeja a milema minu. Ojimeakani Njambe; jimani koko mbi.

Sango ko âloma Mokɔmeja a kombe embi oko Mwembo Mosɛnɔke. Iyo âkoja no ngando jisusu, na âlɛjɛ no ngando jisusu jibala mbi na nu.

Moto akada na mibeko mimbi, na akamisuma, moto omina adi na mbi ngɛnjɔ. Moto akada na mbi ngɛnjɔ, Sangwa’mbi âda na nde ngɛnjɔ pongono. Mbi mɛnɛ nâda na nde ngɛnjɔ pongono, na nasaboloja ai yo.

Mbi nadi bonga Sango, na yo âpa no Mokɔmeja otongo, oko Mwembo moSoti, bo ayeyoe na nu oko na bosusu. Ngondo t’ehɔnɔke bomosɔ, mojɔ bo batamonɛkɛ na batamojebaka. Ino ko omojebakani, mojɔ bo adi na nu, na âda a tei enu.

Mbi nadi bokɔ mijɔ misusu mingaka no a kombe embi, bo Sango asɛ ekumu na Mwana. Oka’ngani mokina mojɔ a kombe embi, nâkɔ mojɔ momina.

Isa opalakani mbi, toma sumani mibeko mimbi.

Ndako eSangwa’mbi edi na bikenge binɛnɛ. Eipeta da boa ka mbi nabwani botɔndɔ no bo nakɛkɛ a bosɛlingoa esika a mojɔ monu?

Nakakɛ a bosɛlingoa esika a mojɔ monu, nâhula koko bo nasɛ no ai mbi, bo odaeni oko a esika edi mbi mɛnɛ.

Toma abala na nde bo, Kumu, adi so pɛ bojeba esika ekɛkɛ wɛ, bodi bojeba njea na ye?