Versículos bíblicos populares de Luka 14

Partilhar

Moto akadoa ai mbi, pɛ bopeta lona sango, na nango, na bana, na bananango, na ngɛnɛ, ee, na mohelo monde mɛnɛ pongono, moto omina atabɔngɔ bo adae mocingami ombi.

Moto amiti tomba mole-mobokea monde a bocingama na mbi, atabɔngɔ bo adae mocingami ombi.

Mojɔ bo moto na moto yona osakumejaka, âsamboa. Yona ko osatitejaka, âsɔ ekumu.

Edi oko boa na nu pongono; moto amiti lona leka londe losusu, atabɔngɔ bo adae mocingami ombi.

Okina onu akakana ndako bopika, atapeta da na mobondo a bolanga bobuno bomina, bo ajebe isa likonja linde lidi bobwana a bomaja elomu endako esusu? Mojɔ bo, akatandea elomu pɛ ko bohɔnɔ hoesieja, bato basusu baya banɛkɛ mojɔ momina badi bomosɛkɛ. Badi bobala bo, Moto omina abanga boyoa, aihɔnɔ ko bosieja elomu.

Okasɛlingoa libonje, bea bato babokwali, bato baya badi na biɛmɛ, bato bamitɛngu, na bato bamiso mago. Oko boa ôda na bojongoa, mojɔ bo bato bamina bapeliti eka ebosɔmbeja ai wɛ. Wɛ ko ôsɔ ndese ewɛ yana ângɔ babodongo a bogwa.

Mukwa modi eka epele. Mokapɔ ko, modi bobɔngɔ koko na ye? Moditi nongo mopele a mojɔ mogbie, isa a mojɔ modaa egbie. Bato bamodumbaka oko bodumba. Moto yona odi na matoi manjoki, yɛ ahokee.