Versículos bíblicos populares de Matai 5

Partilhar

Mpe bantu kwika mwinda ve ye tula yo nansi ya kitunga, kansi va meza ya mwinda, ye yo kienzudila bantu yonso ya ikele mu nzo. Mpilayai, bika mwini ya beno kienzula nantwala ya bantu, na bau lenda kumona bisalu ya beno ya mbote, ye kembila Tata ya beno ya ikele mu zulu.

Beno ikele mwini ya nsi. Bwala ya ikele va mongo lenda swekwa ve.

Kiese ikele na bau ya ikele vedila mu ntima, kadi bau tamona Nzambi.

Kiese ikele na bau ya ikele na nzala ye kiwini ya lunungu, kadi bau tayukutisawa.

Kansi mono tuba kwa beno: Zola bambeni ya beno, ye lombila bau ya zoma beno

Kiese ikele na bansukami mu mpeve, kadi kimfumu ya zulu ikele ya bau.

Kiese ikele na bau ya sala yenge, kadi bau tabingwa bana ya Nzambi.

Kiese ikele na bau ya ikele na kiadi, kadi bau tabombwa.

Kiese ikele na bau ya zomwa sambu na lunungu, kadi kimfumu ya zulu ikele ya bau.

Kiese ikele na bau ya kuwila nkenda, kadi bau tawilwa nkenda.

Kiese ikele na beno, bu bantu finga beno ye zoma beno, ye bu bau tatuba luvunu ye tuba beno ikele mbi sambu na mono. Vanda na kiese ye yangalala mingi, kadi nsendo ya beno mu zulu ikele nene, sambu na mpilayai bau zomaka bambikudi ya vandaka nantwala ya beno.

Kiese ikele na banlembami, kadi bau tabaka difwa ya ntoto.

Beno ikele mungwa ya ntoto; kansi kana mungwa katuka nzenzo, mu nki yo tazenzulwa diaka ? Yo ikele na mfunu diaka ve, kansi kuloswa ye bantu diata yo na makulu.

Sambu na yai beno vanda ya lunga, bonso Tata ya beno mu zulu ikele ya lunga.

Bika mambu ya beno vanda: E, e, ve, ve; konso nki ya luta yai katuka na nkwa mbi.

Beno imene kuwa na yo tubwaka: Disu na disu ye dinu na dinu. Kansi mono tuba kwa beno: Buya ve yandi ya ikele mbi, kansi konsonani ya bula nge na bundi ya kibakala, pindudila yandi yankaka mpe.

Kana disu ya nge ya kibakala tesisa nge sakuba, katula yo ye losa yo; kadi yo luta mbote na kiela mosi ya nitu ya nge kufwa keti nitu ya nge yamvimba loswa mu bilungi. Kana diboko ya nge ya kibakala tesisa nge sakuba, zenga yo ye losa yo, kadi yo luta mbote na kiela mosi ya nitu ya nge kufwa keti na nitu ya nge yamvimba loswa mu bilungi.