Versículos bíblicos populares de Luk 23

Partilhar

Anɨg gɨlö, Jisas haga, “Bapi, yɨp gaböl u, ai gɨnɨg anɨg gabun, a göm, nɨŋ aij göm gagaböl. Anɨb u, kale gɨ naij gaböl u nɨŋmön arö gɨmön,” a ga. Pen ami bɨ gau, Jisas waƚɨj nɨpe ud ju lɨlö mɨdeia gau, kale ke sadu gɨpal rö u göm udla.

Anɨg hageia, Jisas nɨp pen pe haga, “Yad nöp nɨŋö yabɨƚ hagabin, mɨñi ñɨn i nöp ne yad aip am ram mɨnöŋ aij u mɨdeinabul,” a ga.

Nɨpe anɨg hagöm, Jisas nɨp haga, “Ne ram mɨnöŋ ne au am kiŋ mɨdmön, yɨp gasɨ nɨŋmön,” a ga.

Pen Jisas umnɨg göm haga, “Bapi, ana magö yad u ñɨmagö adö ne u labin,” a ga. Anɨg hagöm uma. Jisas uma, magö anɨbu nöp, God sabe gep ram magö raul agamɨj mɨgan yaŋ, waƚɨj ud ajöŋ pɨƚ gɨla u, aŋ yaŋ pa bu göm, ƚɨƚɨ gɨ lap lap arö, ajöŋ hiɨköl mɨdeia.

Dam ram mɨnöŋ Wip Nabɨc Cög Ij a gɨpal u amjaköm, Jisas nɨp dam mab ba laŋ cɨpɨƚ pakla, bɨ gapman lo rɨb julö bɨ mɨhau kalɨp mɨhöŋ dam mab lap lap cɨpɨƚ pakla.

Magö anɨbu, sɨdö aŋ aulɨk magö u sɨbön göm, mɨd damöm sɨdö aumɨŋ gai ga magö u kauyaŋ mailö ga. Pen Jisas umnɨg göm haga, “Bapi, ana magö yad u ñɨmagö adö ne u labin,” a ga. Anɨg hagöm uma. Jisas uma, magö anɨbu nöp, God sabe gep ram magö raul agamɨj mɨgan yaŋ, waƚɨj ud ajöŋ pɨƚ gɨla u, aŋ yaŋ pa bu göm, ƚɨƚɨ gɨ lap lap arö, ajöŋ hiɨköl mɨdeia.

Pen ami bɨ abad mɨdep bɨ kub u, gaia anɨbu nɨŋöm, God hib nɨpe u dap ranöl gɨ haga, “Nɨŋö yabɨƚ! Bɨ anɨbi bɨ aij nöp!” a ga.