Versículos bíblicos populares de :Jororn' 1

Partilhar

Jorwor: nyor⧾ :yuh :on :ne-a 'de on 'klu-', :on kpon-or dih, 'de :on po-a or-a' dhih dhih 'jeh-', mo-: or 'nyi 'kpih, on 'ye or-a'a: 'nynuu no.

:Eh 'wluh-a 'de eh-a' glu 'dhu 'da, 'do :wor Wlu :ne. 'De mor Wlu :dao', or :ne 'o Nyorsoa bo 'weh. 'De or no Nyorsoa.

Zorn-pli: :dao', en fan-' 'de :kule-', jorwor: :kule :se-ih' 'mo-dih:.

:Yee' Wlu :dao', or :yi-dih: 'de :gwlor-nyor-tu 'di, 'de or 'ti 'noror :a 'nyne-'. :A-a' 'jeh 'yor-eh-a' 'yli-eh 'ye or-a' dhih-a' 'i 'beh-a' 'weh, :or no-a Nyorsoa-a' 'Yu :due' gbai-a' dhih-a' 'i 'beh-a'. Or po :a Nyorsoa-a' mla :dhulu' bo, 'de or no-eh, 'de :a yubo: dhih-a' 'yor-eh: :en kor-a Nyorsoa 'i.

Or-: deh⧾-a' klehkpeh :yi-dih:-' 'de en :no-eh:. Eh se deh :korn, :eh 'ye :ao', :eh se-or' :yi-dih:, 'de :eh 'ye-a' :no-eh:. Or-: :ya 'de 'kmo :sie: :febeh', 'de 'kmo :sie: :febeh' :dao', or :ya-a: 'de, eh-: no zorn-pli 'do :gwlor-nyor⧾ bo.

:Yee' :yeh zorn zen-a, :yee' :Jororn' 'ye :Yusu', or na, or yi-or 'i. :Yeh or 'ye-or, :yee' or 'da, A :gbee'e:. Nyorsoa-a' 'Blae'-yu: :or yi-a :a-a' deh⧾-zon⧾-a' dhih :jla 'da, or-: :dhe dih.

Keen' :mloror', or-: 'bluhba :yi-dih:-', 'de jorwor: Nyorsoa-a mu-or :no, jorwor: ti or :ne-a 'noror 'kmo bo, nyor⧾ :on :ne-a 'noror, on se-or 'i yubo: nyor or 'dhu-eh:-'. Or yi 'noror or-a' 'jeh-a'a: 'bluhba ken, jorwor: or-a' 'jeh-a'a: nyor⧾ :se-or' dih kpon.

Zorn-pli: 'jeh :en fan-dih-a :gwlor-nyor⧾-a' klehkpeh ken dih, me-: yi 'noror 'bluhba bo.

Nyorsoa-a' 'tele' :yi-dih:-' :Mose'. Jorwor: mla-: 'dekorn: dhih-a' 'yor-eh-: me-: :yi-dih: :Yusu' 'Klae-'.