Versículos bíblicos populares de Matayo 16

Partilhar

Kyiyeri-kyo Yesu nalewia wanalosho wakye, “Mndu oose kakunda ingyiosha, nakulege amonyi, nakuṙikye msalaba okye, nangyioshe.

Na inyi ngakuwia, iyoe nyi oe Petiro, na kyiyeri-kyo ngyechiwika Siṟi yako iyoe nyilyo iṟaṟa handu ngyechiiyekyia; maa pfinya tsa upfu tseiwinga-pfo.

Na inyi ngyechikuenenga iyoe ngyuupfunguo tsa Wumangyi wo ruwewu na orio kyindo ochikyipfunga iha wuyanenyi, kyewa kyikyipfungye ruwewu; na orio kyindo ochikyipfunguo wuyanenyi, kyechiwa kyikyipfunguoe ruwewu.”

Cha kyipfa mndu akundi ikyiṟa mrima okye, nechiuṙetsa; na mndu echiṙetsa mrima okye kyipfa kyako, nechiukyiṟa.

Kyipfa mndu nechiiria ho kyi kaenengo wuyana woose, na iṙetsa mrima okye? Ang'u mndu nechienengyia kyi handu ha mrima okye?

Kawawia, “Aa nyoe mokyegamba inyi nyi wui?” Simion Petiro kagaluo, kagamba, “Iyoe nyi oe Kristo, Mono-Ruwa ai na moo mlungana.”

Yesu kagaluo, kammbia, “Agusu iyoe Simion Mono-Yona, cha kyipfa chi pfinya ang'u wuṟango wo kyimndu shakutambuluya ikyi-pfo; indi Awu-yoko akyeri ruwewu.