Versículos bíblicos populares de ꠁꠘ꠆ꠎꠤꠟ ৩: ꠟꠥꠇ 24

Partilhar

ꠀꠞ ꠢꠥꠘꠅ, ꠀꠝꠣꠞ ꠛꠣꠔꠥꠘꠤ ꠛꠣꠚꠦ ꠎꠦꠔꠣ ꠖꠣꠘ ꠇꠞꠣꠞ ꠅꠀꠖꠣ ꠇꠞꠍꠂꠘ, ꠀꠝꠤ ꠁꠔꠣ ꠔꠥꠝꠞꠣꠞ ꠉꠦꠍꠦ ꠛꠦꠎꠤꠝꠥ। ꠅꠁꠟꠦ ꠛꠦꠢꠦꠡ꠆ꠔ ꠕꠣꠇꠤ ꠛꠟ-ꠔꠣꠇ꠆ꠇꠔ ꠘꠣ ꠙꠣꠅꠀ ꠙꠞ꠆ꠎꠘ꠆ꠔ, ꠔꠥꠝꠞꠣ ꠅꠃ ꠎꠦꠞꠥꠎꠣꠟꠦꠝꠅ ꠞꠁꠅ।”

ꠔꠣꠁꠘ ꠔ ꠅꠘꠅ ꠘꠣꠁ, ꠔꠣꠁꠘ ꠎꠤꠘ꠆ꠖꠣ ꠅꠁꠉꠦꠍꠂꠘ। ꠔꠣꠁꠘ ꠉꠣꠟꠤꠟꠅ ꠕꠣꠇꠔꠦ ꠔꠥꠝꠞꠣꠞ ꠉꠦꠍꠦ ꠇꠤꠔꠣ ꠇꠁꠍꠟꠣ, ꠝꠘꠅ ꠇꠞꠤꠀ ꠖꠦꠈꠅ।

ꠔꠦꠃ ꠔꠣꠞꠣꠞ ꠌꠃꠈ ꠈꠥꠟꠤꠉꠦꠟ, ꠔꠣꠞꠣ ꠁꠍꠣꠞꠦ ꠌꠤꠘꠤꠟꠤꠟꠣ। ꠌꠤꠘꠣꠞ ꠟꠉꠦ ꠟꠉꠦꠃ ꠔꠣꠁꠘ ꠄꠞꠣꠞ ꠉꠦꠍ ꠕꠣꠇꠤ ꠀꠃꠠꠤ ꠖꠤꠟꠣꠁꠟꠣ। ꠛꠣꠖꠦ ꠔꠣꠞꠣ ꠄꠇꠦ-ꠅꠁꠘ꠆ꠘꠞꠦ ꠇꠁꠟꠣ, “ꠙꠕꠅ ꠎꠦꠛꠟꠣ ꠔꠣꠁꠘ ꠀꠝꠞꠣꠞ ꠟꠉꠦ ꠛꠣꠔꠌꠤꠔ ꠇꠞꠍꠟꠣ, ꠀꠝꠞꠣꠞꠦ ꠀꠟ꠆ꠟꠣꠞ ꠇꠣꠟꠣꠝ ꠛꠥꠎꠣꠁꠀ ꠖꠤꠍꠟꠣ, ꠢꠃ ꠡꠝꠄ ꠀꠝꠞꠣꠞ ꠖꠤꠟꠞ ꠝꠣꠎꠦ ꠄꠇ ꠄꠡꠇꠤ ꠙꠄꠖꠣ ꠅꠁꠍꠤꠟ ꠘꠣ ꠘꠤ?”

ꠔꠣꠁꠘ ꠇꠁꠟꠣ, “ꠀꠟ꠆ꠟꠣꠞ ꠇꠣꠟꠣꠝꠅ ꠟꠦꠈꠣ ꠀꠍꠦ, ꠀꠟ-ꠝꠍꠤꠄ ꠛꠃꠔ ꠇꠑꠤꠘ ꠖꠥꠈ-ꠔꠇꠟꠤꠚ ꠙꠣꠁꠛꠣ, ꠝꠃꠔꠞ ꠔꠤꠘ ꠖꠤꠘꠞ ꠖꠤꠘ ꠔꠣꠁꠘ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠅꠁꠎꠤꠛꠣ। ꠎꠦꠇꠥꠘꠥ ꠝꠣꠘꠡꠦ ꠔꠣꠘ ꠘꠣꠝꠦ ꠔꠃꠛꠣ ꠇꠞꠟꠦ, ꠉꠥꠘꠣꠞ ꠝꠣꠚꠤ ꠝꠣꠉꠤꠟꠦ ꠝꠣꠚꠤ ꠙꠣꠁꠛ, ꠅꠃ ꠛꠄꠀꠘꠤ ꠎꠦꠞꠥꠎꠣꠟꠦꠝ ꠕꠣꠇꠤ ꠡꠥꠞꠥ ꠅꠁꠀ ꠀꠡ꠆ꠔꠣ ꠖꠥꠘꠤꠀꠞ ꠢꠇꠟ ꠎꠣꠔꠤꠞ ꠇꠣꠘꠅ ꠙꠃꠍꠣꠘꠤ ꠟꠣꠉꠛ।

ꠀꠁꠀ ꠖꠦꠈꠟꠣ, ꠇꠄꠛꠞꠞ ꠝꠥꠈꠞ ꠙꠣꠔ꠆ꠔꠞꠈꠣꠘ ꠢꠞꠣꠁꠟ ꠅꠁꠉꠦꠍꠦ। ꠖꠦꠈꠤꠀ ꠔꠣꠞꠣ ꠇꠄꠛꠞꠞ ꠜꠤꠔꠞꠦ ꠢꠣꠝꠣꠁꠀ ꠖꠦꠈꠂꠘ, ꠁꠍꠣꠞ ꠟꠣꠡ ꠔ ꠇꠄꠛꠞꠅ ꠘꠣꠁ।