Versículos bíblicos populares de Lakana 6

Partilhar

Yecu te kobbigi ni, “An a kwon me kwo; dano ame bino baŋa, kec mom bino neke, dano ame ye an, oryo mom bino cire.

Gin ame mio kwo en cuny; kom mom konyo; kop ame akobbiwu en cuny kede kwo.

Kur iti wunu pi cam a top, ento pi cam a ri tuno i kwo a perakino nakanaka, ame Wot a dano bino miyowu; pien Obaŋa Papo oketo anennere i kome.”

Man en gin ame Pappa mito, ni dano acel acel ame neno Wod, dok ye en, myero nwoŋ kwo a perakino nakanaka; an abino cere i nino me agikki.”

Yecu ogamo ni, “Man en tic Obaŋa: ye wunu dano ame en ooro.”

Jo ducu ame Pappa omia bino bino baŋa: ŋat ame obino baŋa mom abino ryeme.

Cimon Petero ogamo doge ni, “Rwot, obino wot baŋ ŋa? Yin itye kede kop me kwo a perakino.

An a kwon me kwo ame obino piny kun oya i polo; ka ŋattoro ocamo kwon man, en bino kwo nakanaka; kwon ame abino miye en koma, ame amio me lo bo nwoŋ kwo.”

Dano moro mom twero bino baŋa ka Pappa ame rik oora mom ocwae baŋa; dok abino cere i nino me agikki.

Pien kwon Obaŋa en kwon ame bino piny kun ya i polo, mio kwo baŋ lobo.”

An akwon me kwo.

Yecu okwanyo ogati, opwoo, opokki jo obedo piny, kede rec daŋ amannono, kit acalo gin mito. Ka doŋ gin oyeŋ, Yecu okobbi jo a lube ni, “Cok wunu ŋide ame odoŋ, ginnoro kur rweny.”

Ka onwoŋo pwod gin okwaŋ ame romo mairo adek onyo aŋwen, gin oneno Yecu kun awot i wi nam kede tyene, obino ame ceggi kede yee; lworo omakogi. En okobbigi ni, “An ennono; kur ilwor wunu.”