Versículos bíblicos populares de Yaya 13

Partilhar

N be yamɔri nama donna wo bolo: wo ɲɔgɔn kanu. Iko n ka wo kanu ki min na, wole tugun ni ɲɔgɔn kanu ɲɔgɔnna le. Ka wo ka ɲɔgɔn kanu, wolo si a ma bɛ si a lɔn yati, ka a fɔla, n na talibenu le mu wo la.»

Hali n to mu wo Marige anun wo Karamɔgɔ la, n bata wo kɛŋɛnu lako. Wolo mu, a bɛnta wole tugun ni ɲɔgɔn kɛŋɛnu lako. Iyon, n bata misale yita wo la, alako wole tugun ni a ma iko nde ka a ma wo ye ki min na.

Isa ka a jaabi, a ko: «Nde be min mala ka, ile bele a lɔnden betunna, kɔnɔ i si naa a kɔtɔ lɔn ɲatɔ.»

N ni tɔɲa beeyareŋɛ fɔ wo ye: joŋɛ ma fisa a tige ko. Kiilá tugun ma fisa a kiilá ko.

Wo to ka wo lɔn, hɛra be wo ye, ka wo be a mala ɲɔgɔnna le yati.

Wo butɔ, Isa wulita dɔmɔri dula, a ka a la doroki banba bɔɔ, a ka kuta do jigan, a ka a kiti a tɛ ma. Wo kɔma, a ka je sa panɛ do tɔ, a fɔlɔta a la talibenu kɛŋɛnu lakola; kuta min be kitiren a tɛ ma, a be anu kɛŋɛnu mafitanna wo la.