Versículos bíblicos populares de IOANE 10

Partilhar

Henaoa tauna ena mai badina be henaoa, bona alaia, bona hadikaia ore totona. Lau mai vadaeni, mauri do idia abia, mauri mai anina momokani danu, do idia abia totona.

“Lau be mamoe naria tauna namona inai. Mamoe naria tauna namona ese iena mauri ia atoa diho mamoe totona.

Egu mamoe ese lauegu gadona idia kamonai, lau diba vadaeni idia, bona idia ese lauegu murina dekenai idia raka.

Mauri hanaihanai danu lau henia idia dekenai, idia be do idia mase lasi, lasi bona lasi momokani. Bona tau ta ese lauegu imana dekena amo idia do ia kokia lasi.

Iduara be lau inai. Lau dekena amo do ia raka vareai tauna be do ia mauri, ia be do ia raka vareai, do ia raka murimuri dekenai, aniani do ia davaria.

“Lau be mamoe naria tauna namona. Lauegu mamoe be lau diba. Lauegu mamoe danu idia diba lau.

Idia be lauegu Tamana ese lau dekenai ia henia vadaeni. Lauegu Tamana ena goada ese ibounai edia goada ia hereaia. Unai dainai tau ta ia hegeregere lasi idia do ia kokia lauegu Tamana dekena amo. Lau bona egu Tamana, ai be tamona.”

Inai bamona danu, lauegu Tamana ia diba lau, bona lau diba ia. Egu mauri danu lau atoa diho, mamoe totona.

Tau ta ese lauegu mauri ia kokia lasi, lau sibona lau atoa diho. Lau be mai siahu do lau atoa diho, bona mai egu siahu do lau abia lou. Inai bamona siahu be egu Tamana dekena amo lau abia vadaeni.”

Iesu ma ia hereva lou idia dekenai, ia gwau, “Momokani, momokani umui lau hamaoroa, lau be mamoe edia iduara.

Gaukara tauna mai ena davana be mamoe naria tauna lasi, bona mamoe edia biaguna lasi. Uda sisia ia itaia idia mai neganai, ia ese iena mamoe dekena amo ia heau siri. Vadaeni uda sisia ese mamoe ia koria, bona idia heau lao gabu idauidau dekenai.

“Momokani, momokani umui lau hamaoroa, mamoe edia magu ena iduara dekenai ia raka vareai lasi, to magu ena iduara ia noho lasi gabuna dekenai ia hanaia kava tauna be henaoa bona dadia tauna.