Versículos bíblicos populares de IOANE 4

Partilhar

Dirava be Lauma, bona do idia tomadiho henia taudia ese, lauma bona momokani dekena amo do idia tomadiho henia.”

To nega ta do ia mai, bona harihari ia ginidae vadaeni, tomadiho taudia momokani ese mai Lauma bona mai momokani danu Tamana do idia tomadiho henia, badina be Tamana ese unai bamona idia tomadiho henia taudia ia tahua noho.

To lau ese do lau henia ranuna do ia inua tauna be do ia ranu mase lasi ia lao bona hanaihanai. Lau ese do lau henia ranuna be inai tau lalonai, sinavai bamona do ia heau noho, bona mauri ranuna do ia henia. Ma mauri hanaihanai danu do ia henia.”

Vadaeni Iesu ia haere ia dekenai, ia gwau, “Dirava ena harihari gauna bema oi diba, bona bema oi diba danu ranu sisina oi dekenai ia noinoi tauna be daika, oi ese do oi noia, vadaeni ia ese mauri ranuna do ia henia oi dekenai.”

To Iesu ese ia hereva, ia gwau, “Egu aniani be inai: Lau ia siaia Diravana ena ura do lau karaia, iena gaukara do lau karaia haorea momokani.

Hahine ia gwau, “Tau badana e, oi be mai emu ranu utua gauna lasi, bona guri be ia dobu. Inai mauri ranuna be edeseni dekena amo do oi abia?

Hahine ia gwau, “Lau diba Mesia, Keriso idia gwauraia tauna, be do ia mai, bona do ia mai neganai, ia ese gau ibounai do ia gwauraia hedinarai.” Iesu ia haere, ia gwau, “Tauna be lau inai, lau hereva noho oi dekenai.”

“Umui mai, tau ta umui itaia, egu kara ibounai ia ese ia gwauraia hedinarai. Dahaka umui gwau, ia be Keriso o?”