Versículos bíblicos populares de MATEO 9

Partilhar

Jich a yalbe te jnopojeletik yuꞌune: —Bayal me te kꞌajoje. Yan te jkꞌajojetike maꞌyuk bayal. Jaꞌ yuꞌun kꞌanbeyaik te yajwal kꞌajoje aꞌ stikon ta aꞌtel te jkꞌajojetike —xchi te Jesuse.

Baan, nopaik te tut ya yal te Sjun Diose: “Jaꞌ ya jkꞌan te ya xkꞌuxutaywanexe. Ma jaꞌuk ya jkꞌan te milbil jmajtane”, te xchie. Ma jaꞌuk a tal kikꞌ te machꞌatik lek ta winikil ta skꞌopike. Jaꞌ a tal kikꞌ te jmulawiletike, jich me ya sujtes yoꞌtanik yuꞌun te smulike —xchi te Jesuse.

Te Jesuse, kꞌalal la yil te genteetike, la snaꞌbe yoꞌolil sbaik, yuꞌun jich kꞌoemik a yil te tutꞌil karneraetik te maꞌyuk jkanantawanej yuꞌunike sok te oꞌolsbaik te juju-kojt ayike.

Te kꞌalal la yaꞌi te Jesuse, jich a yal: —Te machꞌatik lek ayike sok te machꞌatik bujtsꞌan kꞌinal ya yaꞌiyik sok te stiꞌbalulike, makꞌ xtuun yuꞌunik te jloktore. Jaꞌ nax puersa yuꞌunik jloktor te machꞌatik ayik ta chamele.

Te Jesuse la yokliy spisil te mukꞌul jtejklumetike sok te chꞌin kolonyaetike. Nojpeswan ta sinagogaetik ta jujun jtejklum. La yaltalanbe te lek achꞌ kꞌop yuꞌun te ya xlijkix ta mantal te Diose. Sok la slekuteslanbe tutikuk nax chamelil te ay ta stiꞌbalulike sok spisil te tutik kꞌux ta aꞌiyele.