Versículos bíblicos populares de John 1

Partilhar

Ngim kan cha losan un ummawat ya lamati kan siya, illidchela chicha si kalintogen un mambyalin aalak Apudyus.

Si chamuʼn chaampun chi lubung makwaan, ilinggew chi Ugud ked ha Ugud inggew kan Apudyus ked siya si Jesu Kristu. Inggew siya kan Apudyus ked Siya si Apudyus.

Ha Silaw, silawala cha manggikbot cha somsomokcha ked ha gikbot achipun makaabyak si silaw.

Ked ha Ugud, lambyalin tagu ot illinggew kan chitaku utla pita. Amod chi kachegula ya imbyegbyegala katuttuwaan kan chitaku. Intullongmi kila-Apudyusla, kila-Apudyus chi ossaan un Alak un lampeɏpu kan amala.

Lakwa cha losan mipagapu kan siya. Ked lu lappun siya, lappun pulus lakwa kan cha allaʼn lalakwa. Siya lampeɏpuwan chi biyeg cha losan un matattagu, ya siya bo silaw un mansilaw si somsomok cha tagu.

Labigat pun, intullong John si Jesus un ased un umoy kan siya ot kalala, “Ilanyu, allaya keɏlilun Apudyus un mangaan kan cha byasuɏn cha tagu utla lubung!

Illinggew siya utla lubung ya killingwan Apudyus chi lubung mipagapu kan siya, ngim achipun cha tagu ammu siya. Ummali siya si mismuʼn ilila, ngim achipun cha mismuʼn kailiyala ilawat siya.

Ha tuttuwaʼn silaw, umali utla lubung ta silawala cha somsomok cha tagu.

Illidchon Apudyus chi Lintog kan Moses, ngim si Jesu Kristu, siya langipaila si kachegun Apudyus kan chitaku ya katuttuwaan mipanggop kan siya.