Versículos bíblicos populares de Mataos 5

Partilhar

Bʉr, bé abe lé etumo elama é l'efu le ebur le é kaʼ tʉŋlʉ. Yé ejala ó, bé cyelɨ le é cye elama kʉ, gumo lé ókʉn bʉr bɨbɛh ndɨ é mbɛr ɨ. No ó myɛn win, wé ejala le epan é bʉr, ó bé nkʉʼ gʉa bee mɨmpaŋ bɨsyɛɛla bin, le edwiibɨ Sɔŋ win ndɨ é jobo kʉ ɨ.»

«Bɨn ó ndɨ myɛn bʉr o si nwa. Nkana ndɨ fuma é l'ecwɨʼ kʉ ɨ, yé abe lé efwab bʉr é mih.

Mocyɛʼ mo mpom e bʉr o ndɨ e mɨleme é sɔɔɔ ɛ, ebe, bé ó ngo bee Zyɛm!

Mocyɛʼ mo mpom e bʉr o ndɨ ejoʼo dweh le egwɨm sa mɨmpaŋ bɨsyɛɛla ɛ, ebe, Zyɛm óloŋlo be mya!

No ó, mɛm, me elɛɛ bɨn ó nɛɛ: kpɛlɨ ga bʉr o dɔm bɨn. Jwɨʼla ga é l'efu e bʉr o lé etíile bɨn ɨ.

Nye ó: «Mocyɛʼ mo mpom e bʉr o ndɨ ekʉ gʉa ó, mɨsisim myɔɔ, myé ejyeb é nko paʼ egʉa Zyɛm ɨ, ebe, jwɨ̀ʼa mo Da, yé cyela ó, é l'efu e bʉr o ndɨ mpʉ be e!

Mocyɛʼ mo mpom e bʉr o ndɨ egba motala paʼra bʉr e bʉr ɨ, ebe, bé ójebe be ó, bwan mo Zyɛm!

Mocyɛʼ mo mpom e bʉr o ndɨ ejɨ modwe e, ebe, Zyɛm ódila modwe mɔɔ ó e bɨsʉhʉ!

Mocyɛʼ mo mpom e bʉr o ndɨ etíilɔ ebe ebò e cyen bé lé ekœʼ é l'ocɨcyel mo Zyɛm ɨ, ebe, jwɨ̀ʼa mo Da, yé mu lé ecyelɔ cyecye ó, é l'efu e bʉr o ndɨ mpʉ be e!

Mocyɛʼ mo mpom e bʉr o ndɨ ejwɨʼ bʉʉ bʉr nkoo e, ebe, Zyɛm ójwɨʼ be nteme nkoo!

Mocyɛʼ mo mpom, mé ó e bɨn é jɔʼ bé ólwɨɨ bɨn, tíile bɨn le efœʼ bɨn mɨmbi mimyɛh é lɔb wam. Soha ga! Mɨɨla ga, ebe, myɛna monɨnɨ le embɨa, byé ebono bɨn é jobo kʉ, ebe, bé ó b'a tíile nteme ogwiha o mɨlɔb bé a taare pyal e bɨn ɨ.»

Mocyɛʼ mo mpom e bʉr o ndɨ é cyɛʼ mɨnjwɨr ɨ, ebe, bé ó ngo liʼ e si nwa!

«Bɨn ó ndɨ ekpa e si nwa. Sa gwar, ǃɨ ekpa, lé si dimle mojómo me nɛʼɛ, bé óka bula dwe le mojómo nyá ɛ? Yé ókʉ ka liʼ sɔʼɔ njɨ ó, lé sʉŋɔ kʉl, bʉr tíile le e mokʉ.»

Ebe no, kuma ga é l'ombɨmbɨa é mɨpaʼ mimyɛh, mpʉ Sɔŋ win ndɨ é jobo kʉ ɨ, ndɨ é l'ombɨmbɨa é mɨpaʼ mimyɛh ɛ.»

ǃƗ mpɨha go si be “Eee” nɛʼɛ, nye diʼe sɔʼɔ, njɨ “Eee”. Yé be ó, nye ó “Hɨʼɨ” nɛʼɛ, nye diʼe sɔʼɔ, njɨ “Hɨʼɨ”, ebe, ekan ndɨ eka koŋɔ tɨʼ kʉ ɨ, lé eduho ó, boo Bɨbla-mʉr.

«Bɨn bé a be ó si joʼo mpʉ bé a bɛa lɛɛ ó: “Dih taa dih; eje taa eje” e. No ó, mɛm, me elɛɛ bɨn ó nɛɛ: asa ga bɨbla mʉr mongan. ǃƗ mʉr si jaa go bɛh é l'emuʼ le ejʉm nɛʼɛ, birɨ nteme ó, nye ŋmɛhɛ é laa le emyɛl.

«No ó, yé be ó, dih le ejʉm lo, lé ó ndɨ esa ó, go duma é l'ebebe nɛʼɛ, pɛʼɛ le. Laa ó, go diʼe e mih moba mo, go ntɔʼ guhɔ é Bɨ-siʼe, fuo pɛʼ yɛɛ dih, go à myah le, ebe, yé é bul mbɨa é nko paʼ go ó, go dimla yʉʉ fum nyʉl yo gwar, abe ó, nyʉl go nyiwɛh, nye guhɔ é Bɨ-siʼe. Yé be ó, mbo ejʉm go, wé ó ndɨ esa ó, go duma é l'ebebe nɛʼɛ, tiʼa we. Laa ó, go diʼe e mobo moba mo, go ntɔʼ to é Bɨ-siʼe, fuo myah yɛɛ mbo, ebe, yé é bul mbɨa é nko paʼ go ó, go dimla yʉʉ fum nyʉl yo gwar, abe ó, nyʉl go nyiwɛh, nye toʼ é Bɨ-siʼe.»