Versículos bíblicos populares de Johanị 6

Partilhar

Po papo Jesụ alinkubabūla alinkuti: Jo une ne kisyesye ikipelabūmị jujune; uju linga ịkwịsa kumyangu, jo jitịsakunndumamo sịku īnjala; kangi uju ịkunyịtika une, jo atịsakūmilwamo sịku.

Jo ju Mbepo uju ịkupa ubūmị, ummbili go gukaja nimbōmbo najimo. Amasyu aga mbabūlịle, jo ju Mbepo, bo bu būmị.

Mwe, komma ukwịjūla kufị̄ndu ifị fịkujōnga, lolị mwịjūlege kufị̄ndu ifị fịkujako bwịla ifị fịkupa ubūmị bwa bwịla na bwịla, ifị Nnyamụ̄ndu ịkubapaga; namanga jo uju Kyala Ugwịse ansịsịmikị̄sye.

Namanga ubu bo bwịgane bwa Tāta, ukuti gwesa uju ịkunkēta Umwana nukummwịtika, ajege nubūmị bwa bwịla na bwịla. Lelo po nanịne nịsakunsyusyaga pabusịku bwa kūsụlo.

Umwene Jesụ alinkubāmụla alinkuti: Ijēne īmbōmbo ja Kyala iji ịkuti mụbōmbēge, jo ja kummwịtika uju antumịle umwene.

Bōsa aba linga ịkūmbaga Tāta, bịkwịsaga kumyangu; kangi gwesa uju linga ịkwịsa kumyangu, jo ndịsakunkagilaga sịku pānja.

Alinkwamụla Sịmonị Petelị alinkuti: Malafyale tujōngelege kwanị? Ugwe ulinago amasya ga būmị bwa bwịla na bwịla

Jo une ne kisyesye ikyumị, iki kisụlwịke ukufụma kumwanya; gwesa uju linga ịkulya ikisyesye kikīki, jo ịkujaga mūmị bwịla ịtolo. Kangi ikisyesye iki nịkubapaga ukuja būmị bwa kịsu, go gu mmbili gwangu.

Najumo akabagila ukwịsa kumyangu, pēne papo linga Tāta, uju ālindumịle une ịkunkwabila kumyangu; lelo jo nanịne nịsakunsyusyaga pị̄sịku lya kūsụlo.

Namanga ikisyesye kya Kyala, kyo iki Kịkusụlụka ukufụma kumwanya, kyo iki kịkukipa ubūmị ikị̄su.

Jo une ne kisyesye ikipelabūmị.

Po papo Jesụ alinkwega ifịsyesye, alinkugwa ulupị kwa Kyala, alinkubajabila aba bātūgēsye. Tope nutuswi bububo alinkubapela mụmo bālōndelaga. Lelo bo balị̄le bị̄kwị̄te, po papo Jesụ alinkubabūla abafụ̄ndịgwa bāke alinkuti: Amụbūngānịege utumēnya utu tusyele, ukuti nakamo kangatāgịgwaga.

Bo bafịkịle pantāmbo gwa mailị ịtatu pamo ịna, balinkummbona Jesụ ịkwenda pamwanya panyanja, ịkusegelela kwịbōtị. Po papo abēhe balinkwenda nukutetema. Umwene Jesụ alinkubabūla alinkuti: Jo une, mụngatetemaga.