Versículos bíblicos populares de Jɔ̀ɔŋ 8

Partilhar

Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

Nìŋ do nàŋ nyìmè e tɔ̀ɔ̀nyaàaŋ, yèè e tɔ̀ɔ̀nyaàaŋ doiŋ nàŋ joeyè.”

Wo Jisɛ̀ naŋ ɓɛìŋ wòò Juùù nyaŋ nauŋ haawè nyaŋ wààŋ, “Sèè nìŋ haawà yèè nìŋ jɔɔlɔ̀ e yèɛ mìŋ naiŋ woò lɛ dìì, kɛ̀ tɔɔɓaa nìŋ yaà anyùùŋ màŋjɛ̀wɛ̀im.

Sèè miàim wo Jɔ̀àfelaaà kaum dangè maŋ ka foo, kɛ̀ màŋ nɔ̀ŋ e jòèyeum julɔfɔ.

Nààŋ àŋ naŋ wa kpèènè wo Jisɛ̀ dàwe e nyaàiŋ dè wò nìeɔ̀, wo Jisɛ̀ naŋ sie yèè wò naŋ nyiŋ woò wààŋ, “Nyɛ̀iŋ nyɛɛ̀ŋ gbiŋ sùà, wo nyùnɔ̀ɔŋ kòò wò nyɛ̀nɛ̀ŋ wa è jùumù wɔ wo nɔ̀ŋ wo jiɛ̀jiɛ̀ɔ wo hɔ̀wàuŋ ke dùò.”

Wo Jisɛ̀ naŋ nyiŋ fasàì wààŋ, “Miŋ woòiŋ e tɔɔɓaaà kɛ̀ wo nyùnɔ̀ɔŋ gbiŋ nyɛnɛŋ e jùumù wɔ wò yaà wo ɗo maŋ jùumùuŋ màŋ sùà.

Wo Jisɛ̀ naŋ yèwè dìì wo sie yèè wò naŋ dàwè wo nìeɔ̀ wààŋ, “Kòò anyùùŋ nyaŋ gbiŋ yaà? Wo nyùùŋ gbiŋ wo gò joo wèè woum jèè keì?” Yèè wo nìeɔ̀ naŋ fasàì wààŋ, “Kpele dàa, wo nyùùŋ gbiŋ wo gòim jèè keì.” Yèè wo Jisɛ̀ nauŋ woò wààŋ, “Miàŋ pɛɛ miŋ naàum jèè è keì. Màŋ ɓɛ̀nɛ̀ŋ kàa, kɛɛ ɓɔ̀ mùŋ nyɛ̀nɛ̀ŋ ɓɛìŋ è kèì jùumù.”]