Versículos bíblicos populares de JOHN 14

Partilhar

Ŋkpɔŋ emem ye mbufo; nyak emem Mi nnɔ mbufo: idige nte ererimbot ɔnɔde ke ami nnɔ mbufo. Ekuyak esit etimere mbufo, ekunyuŋ eyak esit mbufo ekop ndik.

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

EKUYAK esit otimere mbufo: ebuɔt idem ye Abasi, enyuŋ ebuɔt idem ye ami.

Edi Iberedem, kpa Edisana Spirit, emi Ete edinɔde edi ke enyiŋ Mi, Enye eyekpep mbufo kpukpru ŋkpɔ, onyuŋ anam mbufo eti kpukpru se Ami ŋketiŋde nnɔ mbufo.

Owo eke enyenede mbet Mi, onyuŋ onimde mmɔ, enye edi owo eke amade Mi: ndien owo eke amade Mi, Ete Mi eyema enye, Ami nyenyuŋ mma enye, nnyuŋ nyarare Idem Min ɔ enye.

Nyenyuŋ mbeŋe Ete, ndien Enye eyenɔ mbufo Iberedem efen, man Enye edidu ye mbufo ke nsinsi; kpa Spirit akpanikɔ, emi ererimbot mikemeke ndida, koro mmɔ mikwe enye minyuŋ idiɔŋɔke Enye: edi mbufo emediɔŋɔ Enye, koro Enye ododuŋ ye mbufo, eyeyuŋ odu mbufo ke esit.

Nyenyuŋ nnam ŋkpɔ ekededi eke mbufo edibeŋede ke enyiŋ Mi, man Ete enyene ubɔŋ ke Eyen. Edieke mbufo ebeŋede ŋkpɔ ke enyiŋ Mi, nyenam.

Mbufo ema ema Mi, eyenim mbet Mi.

Ediwak ufɔk edu ke ebiet Ete Mi; edieke mikpedige ntre, ŋkpɔdɔhɔ mbufo; koro mmɔŋ ŋka ŋkotim itie nnim nnɔ mbufo.

Ndien edieke ŋkade ŋkotim itie ntre nnɔ mbufo, nyefiak ndi ndida mbufo nnɔ Idem Mi; man mbufo enyuŋ edu ke ebiet eke Ami ndude.

Thomas ete Enye, Ɔbɔŋ, nnyin ifiɔkke ebiet eke akade; nnyin idinyuŋ didie ifiɔk usuŋ?