Versículos bíblicos populares de LUKE 13

Partilhar

Edi Enye ɔbɔrɔ mmɔ ete, Mbufo eŋwana eti-eti ndibe ke mfafaha inua-otop nduk: koro ndɔhɔ mbufo nte, ediwak owo eyeyom ndiduk, ndien idikemeke.

Ndien sese, ŋwan emi enyenede spirit mbiak-idem isua efureta; enye onyuŋ ɔnuhɔ, inyuŋ ikemeke ndineŋere nda baba esisit. Edi ke ini Jesus okutde enye, okot enye ete, Ŋwan owo, etat uruk mbiak-idem fo.

Enye onyuŋ odori enye ubɔk ke idem: ndien ndo-ndo oro idem esie eneŋere, enye onyuŋ otoro Abasi.

Ndien sese, mme ekperedem edu eke edibemde iso, mme ebeiso enyuŋ edu eke edikperede edem.

Ke adaŋemi ete-ufɔk adahade ke enyɔŋ eberi usuŋ, ndien mbufo etɔŋɔ ndida ke aŋwa ntuak usuŋ, ete, Ɔbɔŋ, sio usuŋ nɔ nnyin; ndien Enye eyebɔrɔ mbufo ete, Mfiɔkke ebiet eke mbufo etode

Ndɔhɔ mbufo nte, idige ntre: edi ke mbufo mikabakere esit, mbufo kpukpru eyetak kpa ntre.

Ndien Enye eyebɔrɔ ete, ndɔhɔ mbufo nte, Mfiɔkke ebiet eke mbufo etode; edianare Mi, kpukpru mbufo mme anam-ukwaŋkpɔ.

Ntre ke Enye ɔdɔhɔ ete, Ubɔŋ Abasi ebiet nso? nso ke ndinyuŋ nda ndomo ye enye? Ebiet mkpasip mustard kiet, eke owo adade ɔtɔ ke iŋwaŋ -esa esie; ndien ɔkɔri okpon, akabare eto; mme inuen enyɔŋ enyuŋ ekubɔ ke mme ŋkɔk esie.