Versículos bíblicos populares de LUKE 7

Partilhar

Mmɔdo ndɔhɔ fi nte, Emefen enye ediwak idiɔk ŋkpɔ, koro ima esie okpon: edi owo eke efende enye esisit inyeneke akpan ima. Edi Enye ɔdɔhɔ; nwan oro, ete, Emefen mme idiɔk ŋkpɔ fo.

Edi Jesus ɔdɔhɔ ŋwan oro ete, Mbuɔtidem fo ama anyaŋa fi; nyɔŋ, koduk ke emem.

ada ufuɔŋkpɔ ke otu alabaster edi, onyuŋ ada Enye ke edem-edem ke ukot, atua eyet, ndien mmɔŋ-eyet esie ebit Jesus ukot; enye onyuŋ ada idet ibuot esie ɔkwɔhɔre Enye ukot, otim ukot Esie inua, onyuŋ ada ufuɔŋkpɔ eyet Enye ke ukot.

mmɔdo nnyuŋ mbatke nte ami ke idem mi ndot ndiwɔrɔ ntiene Fi: kam tiŋ ikɔ, ndien owo mi eyekop nsɔŋidem. Koro ami ke idem mi ndu ke idak erikara, mmonyuŋ nnyene mbon-ekɔŋ ke idak mi; nnyuŋ ndɔhɔ owo emi, nte, Ka, ndien enye aka; nnyuŋ ndɔhɔ owo efen, nte, Di, ndien enye edi; nnyuŋ ndɔhɔ owo mi, nte, Nam emi, ndien enye anam. Ke adaŋemi Jesus okopde ikɔ emi, enyene Enye ndyɔ; Enye onyuŋ ɔwɔŋɔre ɔdɔhɔ otu owo emi etienede Enye, ete, Ndɔhɔ mbufo nte, akanam ŋkwe mbuɔtidem eke okponde ntem, kpa ke Israel.

Ke ini oro Jesus anam udɔŋɔ ye ubiak ye ndiɔi spirit ekure ediwak owo; onyuŋ anam ediwak nnan ekut usuŋ. Ndien Enye ɔbɔrɔ mme isuŋutom oro ete, Eka ekobuk enɔ John se mbufo ekekutde enyuŋ ekopde; ete, mme nnan ekut usuŋ, mbon mbuŋɔ esaŋa, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk idaresit enɔ mme ubuene.