Versículos bíblicos populares de JUAN 1

Partilhar

Ashtahuangarin tucui paita chasquishpa, paita crijcunataca, Taita Diospaj huahuacuna cachunmi ushaita cararca.

Callaripica, Dios Rimashca Shimi nishcami ña tiarca. Chai Shimi nishcami, Taita Dioshuan causajurca. Chai Rimashca Shimica, Diosllatami carca.

Chai michami, yana yana tutapishna causajcunataca punchayachijun. Chai yana yanataca, chai michata mishashpa yanayachitaca na usharcachu.

Chai Rimashca Shimi nishcami, aichayu tucushpa ñucanchihuan causajurca. (Taita Diospaj shujlla Churitaca, paishnallata ushaita charijta, punchapambagu cajtapashmi ricurcanchi). Paica, ninanda juyaj, napacha llullajmi carca.

Ima tiachumbash paihuanllatami, Diosca tucuita rurarca. Ima tiachun churashcapash, paihuanllatami rurarca. Paipimi causaica tiarca. Chai causaimi, tucuilla gentecunata punchayachij micha carca.

Chai cayandi punllami Juanga, Jesús paipajman shamujujta ricushpa cashna nijurca: —Ricuichi, Taita Diospaj Llamaguca chaipimi capan. Paimi, cai pachapi causajcunapaj juchata anchuchin.

Chai Rimashca Shimica, cai pachapimi carca. Cai pachatapash, paihuanllatami rurashca carca. Ashtahuangarin cai pachapi causajcunaca, paitaca na rijsircachu. Pai rurashca gentecunapajman shamujpipash, pai rurashca gentecunaca na chasquircachu.

Tucuilla gentecunata punchayachij michagupachami, ña cai pachaman chayamujurca.

Diosca, pai mandashca shimicunataca, Moisesman cushpami ñucanchiman curca. Ashtahuangarin ninan juyaihuan, na llullaj shimihuanga Jesucristomi shamurca.